وائٹ ہاؤس نے سرکاری ایجنسیوں کوفونز سے ٹک ٹاک ہٹانے کے لیے 30 دن کا وقت دے دیا ہے۔
چین کی وزارت خارجہ کے ترجمان نے الزام لگایا کہ امریکہ غیر ملکی فرموں کو دبانے کے لیے ریاستی طاقت کا غلط استعمال کر رہا ہے۔
ترجمان ماو ننگ نے ایک نیوز بریفنگ میں بتایا کہ ہم ان اقدامات کی سختی سے مخالفت کرتے ہیں۔امریکہ کو کمپنیوں کو دبانا بند کرنا چاہیے اور منصفانہ اور غیر امتیازی ماحول فراہم کرنا چاہیے ۔
ٹک ٹاک کو ایسے الزامات کا سامنا کرنا پڑرہا ہے کہ وہ صارفین کا ڈیٹا حاصل کرکے اسے چینی حکومت کے حوالے کرتا ہے، کچھ انٹیلی جنس ایجنسیوں کو خدشہ ہے کہ ایپ کو سرکاری آلات پر ڈاؤن لوڈ کرنے سے حساس معلومات سامنے آسکتی ہیں۔
یو ایس آفس آف مینجمنٹ اور بجٹ ڈائریکٹر شالندا ینگ نے ایجنسیوں کو بتایا کہ انہیں خفیہ ڈیٹا کی حفاظت کے لیے ریاست کے جاری کردہ تمام فونز سے ایپ کو ہٹانا ہوگا۔
کینیڈا کے حکومتی ترجمان کا کہنا ہے کہ یہ فیصلہ چیف انفارمیشن آفیسر کے جائزے کے بعد کیا گیا۔
وزیر اعظم جسٹن ٹروڈو نے کہا کہ یہ پہلا اور واحد قدم ہوسکتا ہے جسے ہمیں اٹھانے کی ضرورت ہے۔
مغربی حکام کی حالیہ مہینوں میں مقبول ویڈیو شیئرنگ ایپ ٹک ٹاک کے بارے میں تشویش بڑھ گئی ہے۔
آسٹریلیا کا کہنا ہے کہ اسے اپنی انٹیلی جنس سروسز سے کوئی مشورہ نہیں ملا کہ وہ امریکہ، یورپی یونین اور کینیڈا کی مثالوں پر عمل کرے۔
