تیرے بن ایک ایسا ڈرامہ ہے جس نے ٹیلی ویژن اور یوٹیوب پر ریکارڈ توڑ کامیابی حاصل کی ہے۔
اس ڈرامے کو پاکستان کے علاوہ دیگر ممالک میں بھی شائقین نے بیحد سراہا ہے۔
یمنیٰ زیدی اور وہاج علی ڈرامہ نشر ہونے کے بعد عالمی سطح پر مقبول ہوچکے ہیں اور لوگ ڈرامے کے سیزن 2 کے لیے دیکھنے کے لیے بیتاب ہیں۔
گو تیرے بن کی کہانی میں خاصے جھول تھے اور بنیادی پلاٹ پر بھی تنقید کی جارہی تھی جس میں بعد میں کچھ تبدیلی بھی کی گئی تاہم ان سب کے باوجود ڈرامہ ہٹ رہا۔
اگرچہ تیرے بن ایک بہت بڑا سنسنی خیز ڈرامہ ہے لیکن اس پر کافی تنقید بھی ہوئی کیونکہ بہت سے لوگوں نے اسے لایعنی بھی قرار دیا۔ اس پر بہت سے میمز بھی بنے اور ہر کوئی اس کا مداح نہیں تھا۔ اداکار اور میزبان علی سفینہ کا بھی اس بارے میں کچھ کہنا تھا۔ علی اس وقت 2 بڑے ڈراموں ’جیسی آپ کی مرضی‘ اور ’منت مراد‘ کا بھی حصہ ہیں۔
مزید پڑھیں
ایف ایچ ایم پوڈ کاسٹ کے دوران گفتگو کرتے ہوئے علی نے تیرے بن کو ’ڈسٹ بن‘ قرار دیا۔
انڈسٹری میں خراب اسکرپٹس اور کام کے خراب حالات کے بارے میں بات کرتے ہوئے علی نے کہا کہ کام کے مجموعی معیار کو بہتر کرنے کی ضرورت ہے۔
انہوں نے کہا کہ اگرچہ یمنیٰ اور وہاج بہترین اداکار ہیں لیکن خراب معیار ’تیرے ڈسٹ دان‘ جیسے ڈرامے بناتا ہے جس سے لوگوں کو بہت سی شکایات ہوتی ہیں۔
