ترجمان وزیر اعظم آفس کے مطابق وزیرِ اعظم محمد شہباز شریف نے سولرآئیزیشن منصوبے کے حوالے سے بڑا فیصلہ کیا ہے۔ وزیرِ اعظم نے اسلام آباد کی سرکاری عمارتوں میں آئندہ 7 ہفتوں میں سولر سسٹم نصب کرنے کی ہدایت کی ہے۔
وزیرِ اعظم نے متعلقہ اداروں کو منصوبہ معینہ مدت میں مکمل کرنے کی واضح ہدایت کرتے ہوئے کہا درآمدی ایندھن پر انحصار کم کرنے کے لیے اقدامات کے نفاذ میں کسی قسم کا تعطل برداشت نہیں کیا جائے گا ۔
وزیراعظم کا کہنا تھا کہ باقی ملک میں وفاقی سرکاری عمارتوں کی سولرآئیزیشن پر کام بھی فوری شروع کیا جائے۔ حکومت کم لاگت اور ماحول دوست بجلی سے عوام کی جیب پر بوجھ کم کرنے کی کوشش کر رہی ہے۔
