پاکستان کرکٹ ٹیم کے فاسٹ بولر حسن علی نے کہا ہے عثمان خواجہ کو اردو آتی ہے، وہ ہماری ٹیم کی پلاننگ سمجھ کر اپنی ٹیم کو بتاتے ہیں۔
حسن علی نے 14 دسمبر سے شروع ہونے والی پاکستان اور آسٹریلیا کے درمیان بینود قادر سیریز کے حوالے سے اظہار خیال کرتے ہوئے کہا کہ آسٹریلیا کے خلاف ٹیسٹ سیریز میں عثمان خواجہ سے محتاط رہیں گے۔
ان کا مزید کہنا تھا کہ عثمان خواجہ کراچی ٹیسٹ میں ہماری آن فیلڈ پلاننگ اپنی ٹیم کو بتاتے رہے۔ وہ اردو جانتے ہیں، لہٰذا ان کے سامنے کوئی حکمت عملی ڈسکس نہیں کریں گے، ہمیں اگر کوئی پلان بنانا ہوا تو ہم اُن سے دور جا کر پلان بنائیں گے۔
عثمان خواجہ کو بہت اچھی اردو آتی ہے، ان کا اردو بولنے کا لہجہ بھی بہت مزے کا ہے، اس لیے ہم ان کے سامنے اردو میں بات نہیں کریں گے، قومی فاسٹ بولر حسن علی#TheVerified pic.twitter.com/QItyOzkOxO
— The Verifíed (@TheVerifLive) December 1, 2023
فاسٹ بولر نے کہا کہ جنوبی ایشیائی ٹیموں کے لیے دورۂ آسٹریلیا ہمیشہ سے مشکل رہا ہے۔ آسٹریلیا کے موجودہ اسکواڈ میں سب سے بہترین بولر آسٹریلیوی کپتان پیٹ کمنز ہیں، آسٹریلوی کپتان تینوں فارمیٹ کے خطرناک بولر ہیں۔
انہوں نے مزید کہا کہ فاسٹ بولر شاہین شاہ آفریدی بھی نئی اور پرانی گیند کرنے کا فَن جانتے ہیں۔
