پاکستان مسلم لیگ ن کے سابق چیئرمین یونین کونسل ابرار شاہ کو 3 ساتھیوں سمیت اسلام آباد میں قتل کر دیا گیا ہے۔
میڈیا رپورٹس کے مطابق پولیس نے بتایا ہے کہ سابق یوسی چیئرمین جھنگ سید ابرار شاہ گاڑی پر جا رہے تھے کہ تھانہ شہزاد ٹاؤن کی حدود میں ملزمان نے فائرنگ کر دی۔
فائرنگ کے نتیجے میں ان کے 3 تین ساتھی بھی جاں بحق ہو گئے جن کی شناخت رفاقت، سید علی شیر اور صاحب گل کے نام سے ہوئی ہے۔
پولیس کے مطابق ملزمان موقع سے فرار ہونے میں کامیاب ہو گئے ہیں جس کے بعد بھاری نفری موقع پر پہنچ گئی ہے اور شواہد اکٹھے کیے جا رہے ہیں۔
پولیس نے بتایا ہے کہ ابتدائی معلومات کے مطابق واقعہ ذاتی دشمنی کا بتایا جا رہا ہے تاہم تفصیلات تفتیش کے بعد سامنے آئیں گی۔
