خوش لباس یمنیٰ زیدی کی ڈریسنگ پر مداح خفا کیوں ہوئے؟

ماڈل و اداکارہ یمنیٰ زیدی اس وقت پاکستان کی ٹاپ اسٹارز میں سے ایک ہیں۔ تیرے بن میں ان کی کامیابی نے ان کے کیریئر کو بلندیوں پر پہنچا دیا ہے اور وہ اکثر سوشل میڈیا پر ٹرینڈ بھی کررہی ہوتی ہیں۔

یمنیٰ ان دنوں بہت سے فیشن شوٹس کر رہی ہیں جبکہ مداح تیرے بن 2 کے اعلان کا بھی انتظار کر رہے ہیں۔

اداکارہ کے مداح ان کے ہر کام پر نظر رکھتے ہیں۔ وہ اس وقت معروف اداکار ہمایوں سعید کے ساتھ ’جینٹل مین‘ میں کام کر رہی ہیں اور اس پروجیکٹ کا بھی لوگوں کو بیچینی سے انتظار ہے

یمنیٰ نے حال ہی میں اپنی بہن کے برانڈ کے لیے فیشن شوٹ کیا ہے۔ انہوں نے ماڈلنگ کے دوران مخمل کے سوٹ کے ساتھ سیاہ رنگ کا کارسیٹ پہنا ہوا تھا۔

ماڈل نے اپنے انسٹاگرام پر ویڈیو شیئر کی جسے دیکھنے کے بعد اکثر مداح ان کے لباس کے انتخاب سے زیادہ خوش معلوم نہیں ہوئے۔

لوگوں کی ایک بڑی تعداد نے بغیر آستین والی کرتی پہننے پر یمنیٰ زیدی کو تنقید کا نشانہ بنایا۔