پاکستان اور آسٹریلیا کے درمیان کھیلی جانے والی ٹیسٹ سیریز بینو قادر ٹرافی کے لیے کپتان شان مسعود کی سربراہی میں 11 رکنی اسکواڈ کا اعلان کر دیا گیا۔ نئے کھلاڑیوں میں عامر جمال اور خرم شہزاد پاکستان کے لیے ٹیسٹ ڈیبیو کرنے کو تیار ہیں۔
🚨 Playing XI for first Test 🚨
Aamir Jamal and Khurram Shahzad are set to make their Test debut 👏#AUSvPAK pic.twitter.com/4GqRRKZC6J
— Pakistan Cricket (@TheRealPCB) December 13, 2023
پاکستان کرکٹ بورڈ کی جانب سے جاری کردہ 11 رکنی اسکواڈ میں اوپننگ بلے باز امام الحق اور عبد اللہ شفیق شامل ہیں۔ کپتان شان مسعود اور بابر اعظم ٹاپ آرڈر سنبھالیں گے۔
Pakistan Test captain Shan Masood's press conference at Perth Stadium.#AUSvPAK pic.twitter.com/xrjGDdwPge
— Pakistan Cricket (@TheRealPCB) December 13, 2023
پلیئنگ الیون میں سرفراز احمد اور سعود شکیل مڈل آرڈر کی ذمہ داری سنبھالیں گے، اسپنر سلمان علی آغا اور فہیم اشرف آل راؤنڈر کے طور پر ٹیم میں کھیلیں گے۔
مزید پڑھیں
شاہین شاہ آفریدی اٹیکنگ فاسٹ بولر جبکہ خرم شہزاد ان کے ساتھی بولر کے طور پر پلیئنگ الیون میں شامل ہیں۔ عامر جمال کو مکمل اسپنر کے طور پر لیئنگ الیون میں شامل کیا گیا ہے۔
اس سے قبل پاکستان اور آسٹریلیا کے درمیان کھیلی جانے والی ٹیسٹ سیریز کی بینو قادر ٹرافی کی رونمائی کی گئی، ٹرافی کی رونمائی میں دونوں ٹیموں کے کپتانوں نے حصہ لیا۔
پاکستان کے کپتان شان مسعود اور آسٹریلیا کے کپتان پیٹ کمنز نے اس موقع پر پرتھ اسٹیڈیم میں ٹرافی کے ساتھ تصاویر بنوائیں۔ پاکستان اور آسٹریلیا کے درمیان پہلا ٹیسٹ میچ 14 دسمبر سے پرتھ میں شروع ہو گا۔
دوسری جانب آسٹریلوی ٹیم نے بھی پاکستان کے خلاف پہلے ٹیسٹ میچ کے لیے پلیئنگ الیون کا اعلان کر دیا ہے۔
آسٹریلوی ٹیم میں ڈیوڈ وارنر، عثمان خواجہ، مارنوس لبوشین، اسٹیو اسمتھ، مچل مارش، ٹریوس ہیڈ، الیکس کیری اور مچل اسٹارک، کپتان پیٹ کمنز، نیتھن لائن اور جوش ہیزل ووڈ شامل ہیں۔
