آرمی چیف نے کہا کہ جنوبی ایشیا میں امن کے لیے مسئلہ کشمیر کا پرامن حل اور غزہ میں جنگ بندی ناگیر ہے، آرمی چیف نے مقبوضہ کشمیر کی حیثیت تبدیل کرنے کی یکطرفہ اور غیر قانونی بھارتی کوششوں کی مذمت کی اور غزہ میں معصوم شہریوں کی حالت زار پر گہری تشویش کا اظہار کیا۔ اقوام متحدہ کے سیکرٹری جنرل اینتونیو گوتریس نے بھی عالمی امن کے لیے پاک فوج اوردیگراداروں کےکردار کو سراہا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے اقوام متحدہ کے سیکرٹری جنرل انتونیو گوتریس سے ملاقات کی، اقوام متحدہ کے سیکرٹری جنرل نے آرمی چیف کے دورے کا پرتپاک خیرمقدم کیا، آرمی چیف نے خاص طور پر کشمیر اور غزہ کے جاری مسائل پر روشنی ڈالی۔
مزید پڑھیں
آئی ایس پی آر کے مطابق آرمی چیف جنرل سید عاصم منیر نے نیویارک میں اقوام متحدہ ہیڈکوارٹرز کا بھی دورہ کیا۔ آرمی چیف نے کہا کہ جنوبی ایشیا میں امن کشمیر کے تنازع کے حل سے جڑا ہے، تنازع کشمیر اقوام متحدہ کی قراردادوں اورکشمیریوں کی امنگوں کے مطابق حل ہونا چاہیے۔
آرمی چیف نے مقبوضہ کشمیر کی حیثیت تبدیل کرنے کی یکطرفہ اور غیر قانونی بھارتی کوششوں کی مذمت کرتے ہوئے کہا کہ کشمیر کے مسئلے کا پائیدار حل ہونا چاہیے جو کشمیری عوام کی مرضی کے مطابق ہو۔ انہوں نے غزہ کی صورت حال پر بھی بات کی اور کہا کہ جنگ بندی کے معاملے پر عالمی برادری کو کردار ادا کرنا ہوگا۔
آرمی چیف نے اقوام متحدہ کے جنرل سیکرٹری سے مخاطب ہو کر کہا کہ غزہ میں جنگ بندی کے فوری خاتمے کے لیے عالمی برادری کو متحرک کریں، غزہ میں انسانی المیے کوروکنے کے لیے عالمی برادری کو کردار ادا کرنا ہوگا، مسئلے کا پائیدار حل 2 ریاستی حل میں مضمر ہے۔
آرمی چیف سید عاصم منیر نے غزہ میں معصوم شہریوں کی حالت زار پر گہری تشویش کا اظہار کیا، یواین سیکرٹری جنرل نے آرمی چیف کے خدشات کو تسلیم کیا۔ یواین سیکرٹری جنرل اینتونیو گوتریسن نے آرمی چیف کے یو این ہیڈ کوارٹر کے دورے پر شکریہ ادا کیا اور عالمی امن کے لیے پاک فوج اوردیگراداروں کےکردار کو سراہا۔
