پاکستان تحریک انصاف کے رہنما و عمران خان کے وکیل شیر افضل مروت کو لاہور ہائیکورٹ کے احکامات پر کوٹ لکھپت جیل سے رہا کر دیا گیا ہے جس کے بعد وہ اسلام آباد روانہ ہو گئے۔
ایڈووکیٹ سلمان شاہد نے سماجی رابطے کی سائٹ ’ایکس‘ پر اپنے ایک بیان میں شیر افضل مروت کی گرفتاری کی تصدیق کرتے ہوئے کہا ہے کہ انہیں اسلام آباد روانہ کر دیا گیا ہے۔
الحمداللہ ایک اور وعدہ وفا ہوا ۔اپنے بھائی شیر افضل مروت کو کوٹ لکھپت جیل سےرہا کروا کے بحفاظت اسلام آباد کی طرف روانہ کیا ۔ https://t.co/LjIZbzdewf pic.twitter.com/TIuNocqxpR
— Adv Salman Shahid (@AdvSalmanShahid) December 18, 2023
واضح رہے کہ لاہور ہائیکورٹ نے پی ٹی آئی رہنما شیر افضل مروت کو رہا کرنے کا حکم دیا تھا۔
لاہور ہائیکورٹ کے جسٹس شہرام چوہدری نے شیر افضل مروت کی نظربندی کے خلاف دائر درخواست پر سماعت کی۔
عدالت نے اور فریقین کے دلائل سننے کے بعد فیصلہ سناتے ہوئے شیر افضل مروت کو رہا کرنے کا حکم دیا۔
عدالت نے شیر افضل مروت کی رہائی کا حکم جاری کرتے ہوئے کہا ہے کہ شیرافضل مروت ڈپٹی کمشنر کے پاس سیکیورٹی بانڈ جمع کروائیں۔
واضح رہے کہ لاہور پولیس نے پی ٹی آئی رہنما شیر افضل مروت کو چند روز قبل لاہور ہائیکورٹ سے واپسی پر تھری ایم پی او کے تحت گرفتار کیا تھا۔
