چیئرمین جوائنٹ چیفس آف اسٹاف کمیٹی جنرل ساحر شمشاد نے اردن کے دورے کے دوران اردن کے بادشاہ عبداللہ دوم ابن الحسین سے ملاقات کی۔
آئی ایس پی آر کے مطابق ملاقات کے دوران دوطرفہ سیاسی، سفارتی اور فوجی تعاون اور موجودہ علاقائی سلامتی کی صورتحال سمیت دلچسپی کے مختلف شعبوں پر تبادلہ خیال کیا گیا۔
شاہ اردن عبداللہ ابن الحسین نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کو ان کی شاندار خدمات کے اعتراف میں میڈل ’آرڈر آف دی اسٹار آف اردن‘ سے نوازا۔
چیئرمین جوائنٹ چیفس آف اسٹاف کمیٹی نے اپنے اردنی ہم منصب میجر جنرل یوسف يوسف احمد الحنيطی اوراردن کی مسلح افواج کے کمانڈر بریگیڈیئر جنرل محمد حیات سے بھی الگ الگ ملاقاتیں کیں۔
