سابق وزیر اعلیٰ پنجاب اور صدر پاکستان تحریک انصاف (پی ٹی آئی) پرویز الٰہی نے کہا کہ نواز شریف پہلے ہی وزیر اعظم بن کر بیٹھا ہوا ہے۔ ملک میں الیکشن شفاف نہ ہونے دیے تو ملک میں اتنا بڑا ہنگامہ ہوگا کہ لوگ تاریخ کو بھول جائیں گے۔
انسداد دہشتگردی عدالت اسلام آباد کے احاطے میں گفتگو کرتے ہوئے سابق وزیر اعلیٰ پنجاب پرویز الٰہی نے کہا کہ فیلڈ ہی نہیں لیول کیا کرنا ہے، ملک میں جنگل کا قانون ہے۔ نواز شریف اور شہباز شریف نے مل کر جو کیا ہےعوام کبھی نہیں بھولے گی، معیشت اور غریبوں کی حالت آپ کے سامنے ہی ہے۔
مزید پڑھیں
انہوں نے کہا کہ الیکشن لڑ رہا ہوں 3 جگہوں سے ایم پی اے 3 قومی اسمبلی کے حلقوں سے انتحابات میں حصہ لوں گا، اس وقت قانون کی حالت یہ ہے کہ مجھے 3 بار دل کی تکلیف ہوئی ہے لیکن مجھے اسپتال نہیں جانے دیا گیا۔
جوڈیشل کمپلیکس میں چوہدری پرویز الٰہی کی وکیل بابر اعوان اور شیح رشید سے بھی ملاقات ہوئی، شیخ رشید نے بھی میڈیا سے گفتگو کرتے ہوئے کہا کہ میں حلقہ 56 اور 57 دونوں سے الیکشن لڑوں گا، پرویز الٰہی نے بھی شیخ رشید کی حمایت کا اعلان کیا۔
شیخ رشید نے کہا کہ حلقہ 56 اور 57 سے لڑ رہا ہوں، پرویز الٰہی کا مشکور ہوں کہ انہوں نے میرا ساتھ دیا ہے، میں نے کسی کیخلاف پریس کانفرنس نہیں کی، میں عوامی مسلم لیگ کی جانب سے الیکشن لڑوں گا لیکن پی ٹی آئی کی حمایت حاصل کر لی ہے۔
انہوں نے کہا کہ مجھے خوشی ہے کہ پی ٹی آئی میرے ساتھ حلقہ 56 اور 57 میں کھڑی ہے۔
