پاکستان مسلم لیگ ن کے رہنما سینیٹر اسحاق ڈار نے الیکشن کمیشن کو مراسلہ ارسال کیا ہے۔
سینیٹر اسحاق ڈار کی جانب سے الیکشن کمیشن کو بھیجے گئے مراسلے میں کاغذات نامزدگی جمع کرانے کے لیے 2 روز کی توسیع کی استدعا کی گئی ہے۔
For facilitation of candidates for General Elections 2024! pic.twitter.com/O1oiE1Dx4K
— Ishaq Dar (@MIshaqDar50) December 21, 2023
مراسلے میں کہا گیا ہے کہ الیکشن کمیشن پولنگ تاریخ میں تبدیلی کیے بغیر شیڈول میں ترمیم کر سکتا ہے۔ کاغذات نامزدگی جمع کرانے کے لئے صرف 3 دن دیے گئے ہیں۔ کاغذات نامزدگی کی جانچ پڑتال کے لیے 7 دن مختص کئے گئے ہیں۔
مزید پڑھیں
مراسلے میں کہا گیا ہے کہ کاغذات نامزدگی جمع کراتے وقت اس کے ساتھ مختلف دستاویزات بھی جمع کرانا ہوتی ہیں۔کاغذات نامزدگی کے ساتھ مختلف سرکاری محکموں کے این او سی بھی منسلک کرنا ہوتے ہیں۔ دستاویزات مکمل کرنے کے لیے وقت درکار ہوتا ہے۔ جب کہ دستاویزات مکمل نہ ہونے پر کاغذات مسترد ہو جاتے ہیں۔
اس صورتحال کے ذکر کے ساتھ الیکشن کمیشن سے استدعا کی گئی ہے کہ امیدواروں کی سہولت کے لیے فروری کی پولنگ تاریخ تبدیل کیے بغیر الیکشن شیڈول میں ترمیم کرتے ہوئے کاغذات نامزدگی جمع کرانے کی تاریخ میں 2 روز کی توسیع کرے۔
