بالی وڈ کے سپر اسٹار سلمان خان کے چھوٹے بھائی ارباز خان نے دوسری شادی کر لی ہے۔
بالی وڈ اداکار ارباز خان جو بالی وڈ کے سپر اسٹار سیلمان خان کے چھوٹے بھائی ہیں، نے بالی وڈ کی میک اپ آرٹسٹ شوریٰ خان سے شادی کر لی ہے، یہ ارباز خان کی دوسری شادی ہے، ان کی شادی کی تقریب اتوار کے روز ممبئی میں ان کی بہن ارپیتا خان کے گھر پہ ہوئی۔
تقریب میں ارباز خان کے بیٹے ارہان خان سمیت جو ان کے اور ملائکہ اروڑہ کے بیٹے ہیں، پورے خاندان نے شرکت کی۔
واضح رہے کہ ارباز خان اور ملائکہ اروڑہ کی طلاق کو 6 سال ہوچکے ہیں لیکن دونوں نے اپنے بیٹے ارہان کی پرورش مل کر کی ہے۔
شرا خان ہیں کون؟
شوریٰ خان کے بارے میں بالی وڈ مداحوں کو کم ہی پتا ہے۔ جب ان کی ارباز خان سے شادی کی خبر پھیلی تو ان کے مداح حیران و پریشان تھے کہ شوریٰ خان ہیں کون؟
شوریٰ خان بالی وڈ کی ایک میک اپ آرٹسٹ ہیں، جو کافی نامی گرامی اداکاراؤں کے ساتھ کام کرچکی ہیں۔ ان کی اور ارباز خان کی ملاقات فلم ’پٹنہ شکلا‘ کی شوٹنگ کے دوران ہوئی، اس ملاقات کے بعد 9 مہینے تک ان کے تعلقات رہے۔
ارباز خان اور شوریٰ خان نے اپنے رشتے کے حوالے سے عوام میں زیادہ بات کرنا پسند نہیں کی اور جب تک ان کی شادی کی خبر سوشل میڈیا پہ وائرل نہ ہوئی، تب تک کسی کو اس کے بارے میں علم نہیں تھا۔
خبروں کے مطابق ارباز خان نے شوریٰ خان کو اپنے پورے خاندان سے ملوایا، جس پر وہ بہت خوش ہوئے اور ان کے خاندان کے افراد کو شوریٰ خان بہت پسند بھی آئیں، بعد ازاں دونوں نے خاندان کی رضا مندی سے شادی کرلی ہے۔
View this post on Instagram
ارباز خان نے اپنے انسٹا گرام اکاؤنٹ پر پیر کی صبح اپنی اہلیہ کے ساتھ تصویریں شیئر کی اور مداحوں سے شادی شدہ زندگی کی کامیابی کے لیے دعاؤں کی درخواست بھی کی ہے۔
سلمان خان کب شادی کریں گے؟ مداحوں کو خبر کا انتظار
ارباز خان نے دوسری شادی بھی کرلی ہے، لیکن مداحوں کے ذہن میں سوال ہے کہ کیا ان کے بڑے بھائی سلمان خان بھی اب شادی کرلیں گے؟ یا اتنے برسوں سے جس خبر کا لوگوں کو انتظار ہے، وہ انتظار اسی طرح جاری رہے گا؟
