پاکستان مسلم لیگ (ن) کے قائد نواز شریف سے جمعیت اہلحدیث پاکستان کے امیر پروفیسر ساجد میر نے ملاقات کی ہے۔
مسلم لیگ ن کے میڈیا سیل کے مطابق نوازشریف اور پروفیسر ساجد میر کی ملاقات میں سیاسی امور پر تبادلہ خیال کیا گیا، اس کے علاوہ عام انتخابات میں سیاسی تعاون پر بھی بات چیت ہوئی۔
مزید پڑھیں
ملاقات میں مسلم لیگ (ن) کے چئیرمین راجہ محمد ظفر الحق اور سینئیر نائب صدر و چیف آرگنائزر مریم نواز شریف بھی شریک تھیں۔
مسلم لیگ (ن) کے الیکشن سیل کے چئیرمین سینیٹر اسحاق ڈار، پارٹی کے پنجاب کے صدر رانا ثنااللہ، سیکریٹری اطلاعات مریم اورنگزیب اور جمعیت اہلحدیث پاکستان کے صاحبزادہ فضل کریم بھی ملاقات میں موجود تھے۔
پروفیسر ساجد میر نے ملک وقوم کے لیے خدمات پر نواز شریف کو خراج تحسین پیش کیا۔ اس کے علاوہ انہوں نے نیب ریفرنسز سے بریت پر نواز شریف اور مریم نواز شریف کو مبارک دی۔
پروفیسر ساجد میر نے کہاکہ نیب نے سیاسی دشمنی میں آپ پر جھوٹے مقدمات بنائے، قوم نے ان کا حشر دیکھ لیا۔
