ہر نئے آنے والے سال کو لوگ خوشی اور سلامتی کے سال کے طور پر یاد رکھنے کی دعا کرتے ہیں، کچھ لوگ نئے سال میں نئی زندگی کے آغاز کی بھی منصوبہ بندی کرتے ہیں تو کئی افراد اپنے کیرئیر کو ترجیح دیتے ہیں۔
کوئی بھی انسان یہ نہیں جانتا کہ نیا سال اس کے لیے کیسا ثابت ہوگا لیکن ہم آپ کو آج بتانے جارہے ہیں کہ ماہرین نے 2023 کے لیے کن ستاروں کو خاص قرار دیتے ہوئے ان کے لیے کیا پیش گوئی کی ہے۔
ماہرین نے نئے سال کے لیے 12 ستاروں میں سے 3 ستاروں کو منتخب کیا ہے، آئیے جانتے ہیں کہ ان ستاروں کے حوالے سے ماہرین کیا بتاتے ہیں۔
1) برج عقرب
آنے والا سال آپ کے لیے بہت کچھ لانے والا ہے لہٰذا ایک شاندار اور مصروف سال کے لیے تیار ہو جائیں۔ آپ کو بہت سارے بہترین مواقع ملیں گے اور آپ کو ہر ایک سے بھرپور فائدہ اٹھانے کے لیے تیاری کرلینی چاہیے۔
جو بھی کام کریں، اسے مکمل یقین کے ساتھ کریں اور کوئی بھی نیا کام کرنے سے خوفزدہ نا ہوں، اگر آپ کوئی رسک لینا چاہ رہے ہیں تو لیں اور اس کام کو ضرور کریں۔ اس سال قسمت آپ کا ساتھ دے گی۔
2) برج میزان
2023 میزان کے لیے ایک ایسا سال ہوگا جس میں انہیں زندگی کی سچی محبت ملنے کے امکانات ہیں، نجی تعلقات کے حوالے سے یہ سال ان کے لیے بہترین ثابت ہوگا۔
بہت سی پریشانیاں اور مشکلات اس سال حل ہونے کے واضح آثار ہیں، اس کے علاوہ کئی بہترین مواقع آپ لوگوں کا اس سال انتظار کررہے ہیں۔
ماہرین کا کہنا ہے کہ میزان بھی ان ہی تین ستاروں میں سے ہے جو 2023 کے لیے خوش قسمت ثابت ہونے والے ہیں۔
برج جوزا
اجرام فلکی کے ماہرین کے مطابق 2023 جوزا کے لیے خوش قسمت سالوں میں سے ایک ہوگا۔
اس سال آپ اپنے اہداف کو ترجیح دیں اور سال نو میں آپ کے تمام خواب پورے ہونے کے آثار نظر آرہے ہیں،یہ خوش قسمت سال آپ کو اپنی خواہشات کے حصول میں مدد دے گا، چاہے وہ ملازمت میں پروموشن حاصل کرنا ہو، شادی ہو یا تعلیم ہو۔
