پی ٹی آئی کی رہنما اور سابق وزیرمملکت زرتاج گل کروڑوں کی مالک نکلیں، اس بات کا انکشاف زرتاج گل کے کاغذات نامزدگی کے ہمراہ جمع کروائی گئی اثاثوں کی تفصیلات سامنے آنے پر ہوا۔
دستاویزی ثبوت کے مطابق پی ٹی آئی رہنما زرتاج گل کے اثاثوں کی کل مالیت 1کڑورو 20 لاکھ 2ہزار974 ہے۔
دستاویزات کے مطابق گزشتہ برس کی نسبت زرتاج گل کے اثاثوں میں7لاکھ67ہزار259 روپے کی کمی ہوئی۔ دستاویز کے مطابق زرتاج گل کے والد نے انہیں 55تولہ سونا بطور تحفہ دیا۔
مزید پڑھیں
زرتاج گل کے 3 بینکوں میں 42 لاکھ سے زائد کی رقم موجود ہے، دستاویز کے مطابق زرتاج گل کے فرنیچر کی مالیت 30 ہزار روپے ہے۔جب کہ انہوں نے گزشتہ برس 2لاکھ35ہزار سے زائد ٹیکس ادا کیا۔
واضح رہے کہ زرتاج گل نے قومی اسمبلی کی مخصوص نشست کے لیے کاغذات نامزدگی جمع کروا رکھے ہیں۔
