ڈسٹرکٹ ریٹرننگ آفیسر اسلام آباد کی جانب سے سکروٹنی کے بعد امیدواروں کی فہرست جاری کر دی گئی ہے۔ اسلام آباد میں قومی اسمبلی کے 3 حلقوں کے لیے مجموعی طور پر 209 امیدواروں نے کاغذات نامزدگی جمع کروائے ہیں۔
این اے 48 کا ذکر کیا جائے تو این اے 48 سے 61 میں سے 39 کاغذات نامزدگی منظور جبکہ 22 کاغذات نامزدگی مسترد ہوئے۔ این اے 48 سے چوہدری رفعت، راجا خرم نواز، شیخ انصر عزیز، ڈاکٹر طارق فضل چوہدری اور مصطفی نواز کھوکھر کے کاغذات نامزدگی منظور کیے گئے ہیں۔ حلقے سے پی ٹی آئی کے شعیب شاہین کے کاغذات نامزدگی مسترد کر دیے گئے ہیں۔
مزید پڑھیں
این اے 47 میں مجموعی طور پر 75 امیدواروں کی جانب سے کاغذات نامزدگی جمع کروائے گئے، جن میں سے 36 کاغذات نامزدگی منظور جبکہ 39 امیدوران کے کاغذات نامزدگی مسترد کیے گئے ہیں۔ این اے 47 سے چوہدری رفعت، ڈاکٹر طارق فضل چوہدری، ذیشان نقوی، راجا خرم نواز، بابر اعوان، عامر کیانی اور مصطفی نواز کھوکھر کے کاغذات نامزدگی منظور کیے گئے جبکہ شعیب شاہین کے کاغذات نامزدگی مسترد کیے گئے ہیں۔
این اے 46 میں مجموعی طور پر 73 امیدواروں کی جانب سے کاغذات نامزدگی جمع کروائے گئے۔ جن میں سے 41 امیدواروں کے کاغذات نامزدگی منظور کیے گئے۔ این اے 46 سے 32 کاغذات نامزدگی مسترد ہوئے۔ پیپلزپارٹی کے راجا عمران اشرف، مسلم لیگ ن کے ذیشان نقوی اور انجم عقیل خان جبکہ پی ٹی آئی کے بابر اعوان کے کاغذات نامزدگی منظور کیےگئے ہیں جبکہ پی ٹی آئی رہنما شعیب شاہین کے کاغذات نامزدگی مسترد کر دیے گئے ہیں۔
