پاکستان تحریک انصاف ( پی ٹی آئی ) کے سینیئر رہنما اسد قیصر نے کہا ہے کہ مجھ سمیت پاکستان تحریک انصاف کی لیڈر شپ کے کاغذات نامزدگی بغیر کسی وجہ کے مسترد کیے گئے ہیں۔
ہفتہ کے روز ایک ویڈیو پیغام میں اسد قیصر کا کہنا تھا کہ پاکستان تحریک انصاف کے اُمیدواروں کے کاغذات نامزدگی مسترد کیے جانا صرف اورصرف نوازشریف کووزیراعظم بنانے کے لیے اوچھے ہتھکنڈے کے طور پراستعمال کیا گیا ہے۔
مزید پڑھیں
انہوں نے کہا کہ اگرنواز شریف اس طرح کے الیکشن چاہتے ہیں توانورالحق کاکڑ کی طرح ان کا بھی نوٹیفکیشن جاری کر دیا جائے۔
انہوں نے کہا کہ ہم اس غیر قانونی اقدام کو عدالت میں چیلنج کریں گے اور عوام کی عدالت میں بھی جایئں گے پیچھے نہیں ہٹیں گے۔ عوام سے کہتا ہوں ہم ڈرے نہیں ہیں آپ لوگوں نے ظلم کا بدلہ ووٹ کے ساتھ لینا ہے۔
