بلیک کیپس نے پاکستان کے خلاف 5 ٹی20 میچز پر مشتمل سیریز کے لیے 15 رکنی ٹیم کا اعلان کر دیا ہے۔ پاکستان اور نیوزی لینڈ کی ٹیموں کے درمیان 5 ٹی20 میچوں کی سیریز کا آغاز رواں ماہ 12 جنوری سے آکلینڈ میں ہوگا۔
نیوزی لینڈ ٹیم کی قیادت کین ولیمسن کریں گے، جبکہ فاسٹ بولر میٹ ہینری کی ٹیم میں واپسی ہوئی ہے، وہ گزشتہ برس بھارت میں ہونے والے آئی سی سی ورلڈ کپ کے دوران انجری کا شکار ہوگئے تھے۔
نیوزی لینڈ کرکٹ بورڈ کے مطابق کپتان کین ولیمسن ڈونیڈن میں ہونے والی سیریز کے تیسرے میچ کے لیے دستیاب نہیں ہوں گے، ان کی جگہ جوش کلارکسن ڈیبیو کریں گے جبکہ ٹیم کی قیادت مچل سینٹنر کریں گے۔
The KFC T20 Series against Pakistan starts on January 12 at Eden Park. More | https://t.co/PK2adErqGI #NZvPAK pic.twitter.com/aQBCnR5qSb
— BLACKCAPS (@BLACKCAPS) January 2, 2024
آئی سی سی کرکٹ ورلڈ کپ میں شاندار کارکردگی دکھانے والے راچن راویندرا کو آرام کی غرض سے ٹیم میں شامل نہیں کیا گیا ہے۔
نیوزی کی ٹیم میں کپتان کین ولیمسن کے علاوہ فن ایلن، مارک چیپمین، جوش کلارکسن، ڈوین کونوے (وکٹ کیپر)، لوکی فریگوسن، میٹ ہینری، ایڈم ملنی، ڈیرل مچل، گلین فلپس، مچل سینٹنر، بین سیرز، ٹم سیفرٹ (وکٹ کیپر )، اش سودھی اور ٹم ساؤتھی شامل ہیں۔
واضح رہے کہ پاکستان کرکٹ بورڈ دورہ نیوزی لینڈ کے لیے قومی ٹیم کے ٹی 20 اسکواڈ کا اعلان پہلے ہی کرچکا ہے۔ قومی ٹی 20 اسکواڈ میں کپتان شاہین شاہ آفریدی، بابر اعظم، رضوان ، فخر زمان صائم ایوب، افتخار احمد، محمد نواز، ابرار احمد، اسامہ میر، حارث رؤف کے علاوہ وسیم جونیئر، زمان خان ، عامر جمال ، اعظم خان ، عباس آفریدی صاحب زادہ فرحان اور حسیب اللہ بھی شامل ہیں۔
