الیکشن میں حصہ لینے کے خواہشمند صنم جاوید اور شوکت بسرا کی اپیلیں سپریم کورٹ میں سماعت کے لیے مقرر

سپریم کورٹ آف پاکستان نے کاغذات نامزدگی مسترد ہونے کیخلاف پی ٹی آئی کی صنم جاوید خان اور  شوکت بسرا کی اپیلیں سماعت کے لیے مقرر کر دیں ہیں۔

سپریم کورٹ میں پی ٹی آئی کی صنم جاوید خان کی اپیل سماعت کی جسٹس منیب اختر کی سربراہی میں 3 رکنی بینچ کل سماعت کرے گا۔اس ضمن میں عدالت نے صنم جاوید کے وکلا کو نوٹس جاری کر دیا ہے۔

واضح رہے کہ صنم جاوید نے قومی اسمبلی کے 2 اور صوبائی اسمبلی کے ایک حلقے سے کاغذات جمع کرائے تھے، تاہم ریٹرننگ افسر نے صنم جاوید کے کاغذات مسترد کیے تھے۔

صنم جاوید نے ریٹرننگ افسر کی جانب سے کاغذات مسترد ہونے پر ٹربیونل اور ہائی کورٹ سے رجوع کیا تھا، تاہم ان دونوں پلیٹ فارمز پر ریٹرننگ افسر کا فیصلہ برقرار رکھا گیا تھا۔

شوکت بسرا کے کیس کی سماعت

دوسری جانب سپریم کورٹ میں شوکت بسرا کے کاغذات نامزدگی مسترد کرنے کیخلاف بھی اپیل سماعت کے لیے مقرر کر دی گئی ہے۔ اس کیس کی سماعت بھی جسٹس منیب اختر کی سربراہی میں تین رکنی بنچ کل سماعت کرے گا۔ بینچ میں شامل دیگر دو ججز میں جسٹس شاہد وحید اورجسٹس عرفان سعادت بنچ میں شامل ہیں۔