بالی وڈ اداکار سیف علی خان نے انکشاف کیا ہے کہ اگر وہ اپنے کہنی کی سرجری نہ کرواتے تو معذور ہو سکتے تھے۔
بھارتی میڈیا کے مطابق سیف علی خان کہنی میں فریکچر ہوا تھا جس کی سرجری ممبئی کے کوکیلابین اسپتال میں کی گئی، اسپتال میں سیف کے ساتھ ان کی اہلیہ کرینہ کپور بھی موجود تھیں۔ میڈیا سے کی گئی گفتگو میں سیف علی خان کا کہنا تھا کہ وہ کافی عرصے سے ہاتھ میں درد محسوس کررہے تھے لیکن وہ یہ نہیں جانتے تھے کہ چوٹ کتنی گہری ہے۔
مزید پڑھیں
سیف علی خان کے مطابق فلم ؔ’دیوارا‘ کے لیے ایکشن سین کرتے ہوئے ایک بار پھر زخمی ہوا جس کے بعد درد کی شدت مزید بڑھ گئی، اس کے بعد ایم آر آئی کروایا تو پتا چلا کہ ٹرائی سیپ ٹینڈن بری طرح سے پھٹ چکا تھا۔
اداکار نے انکشاف کیا کہ اگر سرجری بروقت نہ ہوتی تو وہ اپنا ایک ہاتھ گنواسکتے تھے۔ مجھے صرف ہاتھ پر چوٹ لگی تھی، کمر یا کندھوں کی کوئی سرجری نہیں ہوئی اور یہ کوئی سنجیدہ سرجری نہیں تھی جس کی وجہ سے جلد ہی اسپتال سے ڈسچارج کردیا گیا ہوں۔
ڈاکٹرز کے مطابق انہیں مکمل صحت یاب ہونے کے لیے ایک ماہ آرام کرنا ہوگا۔ سیف علی خان نے بتایا کہ سرجری کافی عرصہ پہلے ہونا تھی جو تاخیر کا شکار ہوتی رہی تاہم اب میں کافی بہتر محسوس کررہا ہوں۔ انہوں نے تمام ڈاکٹرز، مداحوں اور خیر خواہوں کے لیے بھی محبت بھرے انداز میں شکریہ ادا کیا ہے۔
