اداکار علی افضل شوبز انڈسٹری سے دینی ماحول کی طرف کیسے آئے؟

پاکستان کے معروف اداکار علی افضل خان نے کہا ہے کہ سابق نعت خواں جنید جمشید مرحوم نے انہیں دینی ماحول فرام کرنے میں اہم کردار ادا کیا۔

علی افضل اعوان نے حال ہی میں ایک پوڈ کاسٹ میں شرکت کی ہے جہاں انہوں نے مختلف سوالوں کے جوابات دیے ہیں۔

علی افضل نے کہا ہے کہ میں نے 20 سے 22 سال تک شوبز انڈسٹری میں خدمات انجام دیں۔

انہوں نے کہاکہ میری اداکاری کے دوران ہی جنید جمشید بھی اسی شعبے سے منسلک تھے اور ان سے اکثر و بیشتر بیٹھک ہوتی تھی۔

علی افضل نے کہاکہ میں نے میزبانی کے دوران قرآنی تعلیمات کو سمجھنا شروع کر دیا تھا اور پھر جنید جمشید دعوت تبلیغ کی طرف لے آئے۔

’میں نے دعوت تبلیغ والوں کے ساتھ پہلے 3 اور پھر 40 دن لگائے۔ نماز باقاعدگی سے ادا کرتا تھا۔ اس کے بعد میں نے سوچا کہ اب 2 ہی راستے ہیں کہ شوبز یا دین، تو میں نے فیصلہ کرتے ہوئے دین کے راستے کی طرف آ گیا‘۔

علی افضل نے مزید کہاکہ کسی بھی اداکار کے لیے یہ آسان نہیں ہوتا کہ وہ کیریئر چھوڑ دے لیکن میں نے تہیہ کر لیا تھا اور پھر یہ ممکن بھی ہوگیا۔