وفاقی تحقیقاتی ادارے (ایف آئی اے) نے بانی پی ٹی آئی عمران خان کی ہمشیرہ علیمہ خان کو نوٹس جاری کر دیا۔
ایف آئی اے نے عوام میں انتشار پھیلانے کے الزام میں علیمہ خان کو نوٹس جاری کرتے ہوئے 3 فروری کو طلب کیا ہے۔
مزید پڑھیں
وفاقی تحقیقاتی ادارے کے مطابق مبینہ طور پر دھمکیوں، انتشار اور خوف و ہراس پھیلانے پر علیمہ خان کو نوٹس جاری کیا گیا ہے اور ریاست کی مدعیت میں انکوائری کا حکم دیا گیا ہے۔
ایف آئی اے نے کہا ہے کہ علیمہ خان 3 فروری کو صبح 11 بجے سائبر کرائم رپورٹنگ سینٹر میں پیش ہوکر وضاحت کریں۔
وفاقی تحقیقاتی ادارے کے مطابق اگر علیمہ خان پیش نہیں ہوتیں تو یہ سمجھا جائے گا کہ ان کے پاس اپنے دفاع کے لیے کچھ بھی نہیں۔
