امریکا کے شہر ورجینیا میں ایک 6 سالہ بچے نے اپنی اسکول ٹیچر پر گولیوں کی بوچھاڑ کرکے انھیں زخمی کردیا۔
امریکی میڈیا کے مطابق پولیس کا کہنا ہے کہ ورجینیا کے ایک پرائمری اسکول رچنگ ایلیمنٹری میں پڑھنے والا ایک بچہ اپنے بیگ میں پستول رکھ کر لایا اور موقع پاتے ہی اپنی ٹیچر 25 ٹیچر ایبیگیل زورنر پر حملہ کردیا جس سے ان کے ہاتھ اور سینے میں گولیاں لگیں تاہم ان کی جان بچا لی گئی۔
اس مسئلہ پر ایک قانونی ماہر کا کہنا ہے کہ اپنی ٹیچر کو گولی مارنے والے بچے پر فرد جرم عائد ہونے کا کوئی امکان نہیں کیوں کہ وہ ابھی صرف 6 سال کا ہے۔
مقامی حکام کا بھی اس حوالے سے کہنا ہے کہ ابھی تک اس بات پر یہ طے نہیں کیا جاسکا کہ بچے کے خلاف اس جرم پر کوئی قانونی کارروائی کی جاسکے گی یا نہیں۔
اس معاملہ پر قانونی رائے دیتے ہوئے ایک مقامی وکیل ہاورڈ گیوین نے کہا کہ نابالغ بچے کے خلاف مجرمانہ کارروائی نہیں ہو سکتی کیوں کہ بچہ قانونی نظام کو سمجھنے کے لیے ابھی بہت چھوٹا ہے تاہم اسے مقدمہ کا سامنا کرنا پڑ سکتا ہے۔
ہاورڈ گیوین نے مزید کہا کہ کوئی بھی اقدام جلد بازی میں نہیں کیا جائے گا بلکہ تمام حقائق کا تجزیہ کرنے کے بعد ہی کسی نتیجہ پر پہنچا جا سکتا ہے۔
