چیف آف آرمی اسٹاف جنرل سیّد عاصم منیر نے کہا ہے کہ پاکستان کی سالمیت کے خلاف کسی بھی حرکت کا منہ توڑ جواب دیا۔
پاک فوج کے شعبہ تعلقات عامہ (آئی ایس پی آر) کے مطابق یوم یکجہتی کشمیر کے موقع پر نگراں وزیراعظم اور آرمی چیف نے مظفرآباد کا دورہ کیا ہے، جبکہ سپہ سالار اس موقع پر ساریان سیکٹر میں ایل او سی پر بھی گئے اور اگلے مورچوں پر تعینات جوانوں سے ملاقات کی۔
مزید پڑھیں
آرمی چیف نے کہاکہ پاک فوج ہر طرح کے خطرے سے نمٹنے کے لیے پوری مہارت رکھتی ہے اور موثر جواب دینے کے لیے تیار ہے۔
آئی ایس پی آر کے مطابق آرمی چیف نے مظفرآباد میں یادگار شہدا پر بھی حاضری دی او شہدا کو خراج عقیدت پیش کیا۔
ترجمان نے بتایا کہ نگراں وزیراعظم اور آرمی چیف کے دورہ آزادکشمیر کے موقع پر وزیراعظم آزادکشمیر انوارالحق بھی موجود تھے۔
ایل او سی کے دورے پر آرمی چیف کو لائن آف کنٹرول کی تازہ ترین صورتحال کے بارے میں بریفنگ دی گئی۔ سپہ سالار نے پاک فوج کی آپریشنل تیاریوں کی تعریف کی۔
آئی ایس پی آر کے مطابق قیادت نے مقبوضہ کشمیر میں بھارتی ظلم و ستم کی مذمت کی ہے۔
قبل ازیں مظفرآباد آمد پر کور کمانڈر راولپنڈی نے آرمی چیف جنرل سیّد عاصم منیر کا استقبال کیا۔
