سعودی عرب نے کہا ہے کہ فلسطینیوں کو آزاد ریاست ملنے تک اسرائیل کے ساتھ سفارتی تعلقات قائم نہیں ہوں گے۔
سعودی پریس ایجنسی کے مطابق سعودی وزارت خارجہ کی طرف سے جاری بیان میں کہا گیا ہے کہ ریاض فلسطینیوں کو ان کے جائز حقوق کے حصول پر ثابت قدم ہے۔
Foreign Ministry: Saudi Arabia's position has always been steadfast on Palestinian issue and the necessity that the brotherly Palestinian people obtain their legitimate rights.https://t.co/tzavCYoJzX#SPAGOV pic.twitter.com/NjSnX1C7cP
— SPAENG (@Spa_Eng) February 7, 2024
بیان میں کہا گیا ہے کہ مملکت نے امریکی انتظامیہ کو اپنے ٹھوس موقف سے آگاہ کیا ہے کہ اسرائیل کے ساتھ اس وقت تک کوئی سفارتی تعلقات قائم نہیں ہوں گے جب تک 1967 کی سرحدوں پر ایک آزاد فلسطینی ریاست اور مشرقی بیت المقدس کو اس کا دارالحکومت تسلیم نہیں کیا جاتا۔
سعودی بیان میں غزہ کی پٹی میں اسرائیلی جارحیت بند کرنے اور تمام اسرائیلی قابض افواج کے انخلا کا مطالبہ کیا گیا ہے۔
مملکت نے اقوام متحدہ کی سلامتی کونسل کے مستقل ارکان سے بھی مطالبہ کیا ہے کہ وہ فلسطینی ریاست کو تسلیم کرنے کے عمل کو تیز کریں۔
