راولپنڈی، پی ٹی آئی کے سابق رکن صوبائی اسمبلی چوہدری عدنان قاتلانہ حملے میں جاں بحق

پی ٹی آئی کے سابق رکن صوبائی اسمبلی چوہدری عدنان کو راولپنڈی میں نامعلوم ملزمان نے قتل کردیا۔

راولپنڈی پولیس کے مطابق چوہدری عدنان پر نامعلوم افراد نے ان کے گھر کے پاس فائرنگ کی جس کے باعث وہ چوہدری عدنان جان کی بازی ہار گئے۔

مقتول چوہدری عدنان نے انتخابات 2024 میں آزاد امیدوار کی حیثیت سے انتخاب لڑا تھا۔ چوہدری عدنان کی گاڑی ٹریفک سگنل پر رکی تھی نامعلوم موٹرسائیکل سواروں نے فائرنگ کی۔

پولیس کا کہنا ہے کہ مقتول کے چہرے پر لگنے والی گولی جان لیوا ثابت ہوئی۔

چوہدری عدنان پر پولیس لائنز کے قریب قاتلانہ حملہ کیا گیا۔ لاش کو اسپتال منتقل کردیا گیا، ملزمان فرار ہوگئے جن کی تلاش شروع کردی گئی ہے

Former #PTI MPA Chaudhry Adnan was killed in a brazen armed attack in Rawalpindi #Pakistan pic.twitter.com/3l11f0wKKY

— Ghulam Abbas Shah (@ghulamabbasshah) February 12, 2024

رپورٹ کے مطابق حالیہ انتخابات میں چوہدری عدنان نے این اے 57 راولپنڈی اور پی پی 19 سے آزاد امیدوار کے طور پر الیکشن لڑا تھا، انہیں این اے 57 سے 1820 جبکہ پی پی 19 سے 2972 ووٹ ملے تھے۔

چوہدری عدنان 2018ء کے انتخابات میں پی ٹی آئی کے ٹکٹ پر رکن پنجاب اسمبلی منتخب ہوئے تھے۔