پاکستان میں سوشل میڈیا سائٹ ’ایکس‘ کی سروس متاثر ہے، جس کی وجہ سے صارفین کو مشکلات کا سامنا کرنا پڑرہا ہے۔
انٹرنیٹ پر بندشوں کی نگرانی کرنے والے ادارے نیٹ بلاکس نے بھی ’ایکس‘ کی سروسز متاثر ہونے کی تصدیق کی ہے۔
مزید پڑھیں
’ایکس‘ کی سروس متاثر ہونے سے صارفین نہ کچھ شیئر کر پا رہے ہیں اور نہ ہی سائٹ پر کچھ دیکھ سکتے ہیں۔
ایکس کی سروس متاثر ہونے کے حوالے سے ابھی پاکستان ٹیلی کمیونیکیشن اتھارٹی (پی ٹی اے) نے کوئی بیان جاری نہیں کیا۔
پاکستان میں اس سے قبل بھی سوشل میڈیا صارفین کو یوٹیوب، فیس بک اور ایکس سمیت دیگر سائٹس کی بندش کا سامنا کرنا پڑتا رہا ہے۔ تاہم کبھی بھی اس کی وجوہات سامنے نہیں آ سکیں۔
