پاکستان میں تعینات روسی سفیر البرٹ خوریف نے جمعیت علما اسلام (ف) کے سربراہ مولانا فضل الرحمٰن سے ملاقات کی ہے۔
ترجمان جے یو آئی اسلم غوری کے مطابق فلسطین میں اسرائیلی مظالم کے خلاف اقوام متحدہ میں روس کے کردار پر بات چیت کی گئی، اس کے علاوہ خطے کی صورتحال پر تبادلہ خیال کیا گیا۔
ترجمان نے بتایا کہ ملاقات جلال الدین ایڈووکیٹ بھی موجود تھے۔
مزید پڑھیں
قبل ازیں پاکستان میں روسی فیڈریشن کے سفیر البرٹ خورئیو نے پریس کانفرنس کرتے ہوئے کہاکہ روس نے یوکرین کے مسئلے کو بات چیت اور مذاکرات سے حل کرنے کی بہت کوششیں کیں لیکن یوکرین نے روس سے مذاکرات پر پابندی عائد کر دی۔ پاکستانی حکومت کے شکر گزار ہیں کہ وہ روس یوکرین تنازعہ پر آزادانہ پالیسی چلانا چاہتے ہیں اور یہی وجہ ہے کل پاکستان نے اقوام متحدہ میں روس مخالف قراردادوں پر ووٹنگ میں حص نہیں لیا۔
انہوں نے کہاکہ یوکرین کے روس سے مذاکرات پر اپنی پابندی ہٹانے تک سنجیدہ گفتگو ممکن نہیں، جنگ کے خاتمے کا دارومدار یوکرین کی مذاکرات کے حوالے سے سنجیدگی پر ہے۔ یوکرین میں امریکی فوج کی خفیہ سرگرمیاں جاری ہیں جن کی تحقیقات ہونا چاہییں۔ امریکی یوکرین میں عام شہریوں پر مہلک عسکری تجربات کرتے رہے ہیں۔ یوکرین میں روسی فوجی آپریشن کے خاتمے کی کوئی ڈیڈ لائن یا مدت نہیں ہے۔
