پاکستان اسٹاک ایکسچینج میں مثبت رجحان 100 انڈیکس 875 پوائنٹس اضافے سے 64 ہزار 578 پر بند مارکیٹ میں 42 کروڑ 40 لاکھ شیئرز کا کاروبار ہوا جس کی مالیت 17 ارب روپے سے زائد رہی۔
سیاسی غیر یقینی کی کیفیت سے نکل رہے ہیں، شہریار بٹ
اسٹاک ایکسچینج کے ماہر شہریار بٹ نے کہا ہے کہ اسٹاک ایکسچینج میں بہتری کی وجہ یہ ہے کہ ہم سیاسی غیر یقینی کی کیفیت سے نکل رہے ہیں اور یہ بھی واضع ہوچکا کا حکومت پاکستان مسلم لیگ ن کی ہی بننی ہے اور انکا منشور آئی ایم ایف کے ساتھ مطابقت رکھتا ہے۔
مزید پڑھیں
آئی ایم ایف کے ساتھ معاملات آگے بڑھانا ہوں گے
شہریار بٹ کا کہنا تھا کہ اگر پاکستان کو آگے بڑھنا ہے تو آئی ایم ایف کے ساتھ معاملات بھی آگے بڑھانا ہوں گے۔ ان کا کہنا تھا کہ اس وقت ہم نے 1.2 بلین ڈالر آئی ایم ایف سے حاصل کرنے ہیں جس کی ہمیں اشد ضرورت ہے، اس کے بعد 3 سال کا نیا معاہدہ کرنا ہے اور نگراں حکومت نے جو اصلاحات چھوڑی ہیں پی ایم ایل این انہی کو آگے بڑھائے گی جو اچھے اثرات مرتب کر سکتا ہے
انہوں نے مزید کہا کہ اگر یہی سلسلہ جاری رہا اور دھاندلی کے نام پر احتجاج نہ ہوا تو مارکیٹ اچھی کارکردگی دکھائے گی، لیکن اگر اس کے برعکس ہوا تا مارکیٹ ڈاؤن فال پر آسکتی ہے۔
مارکیٹ بہتری دکھائی دے رہی ہے، محسن مسیڈیا
محسن مسیڈیا کہتے ہیں کہ مارکیٹ بہتری دکھائی دے رہی ہے، جب سے حکومت سازی کے معاملات ہوئے ہیں اس کے بعد مارکیٹ ریکور کر چکی ہے اور مثبت بند ہوئی ہے۔
ان کا کہنا تھا کہ ہم پہلے یہ بتاتے رہے کہ اسٹاک کا انحصار سیاسی استحکام پر ہے، مستقبل کا بھی یہی کہیں گے کہ اگر ملک میں سیاسی استحکام رہا تو اسٹاک مارکیٹ مزید بہتر پرفارم کرے گی، بصورت دیگر نتائج اس کے برعکس دیکھنے کو ملیں گے۔
