وزیراعلیٰ خیبرپختونخوا علی امین گنڈاپور کی 15 رکنی کابینہ نے حلف اٹھا لیا۔
گورنر ہاؤس پشاور میں صوبائی کابینہ کی حلف برداری تقریب ہوئی جہاں گورنر کے پی کے غلام علی نے کابینہ ارکان سے حلف لیا۔
مزید پڑھیں
حلف برداری کی تقریب میں وزیراعلیٰ علی امین گنڈاپور، انسپکٹر جنرل پولیس، چیف سیکریٹری سمیت دیگر اعلیٰ حکام نے شرکت کی۔
حلف اٹھانے والوں میں فضل شکور، مینا خان، محمد سجاد، عاقب اللہ، محمد عدنان، فضل حکیم خان، شکیل احمد، ارشد ایوب شامل ہیں۔
اس کے علاوہ محمد ظاہر شاہ طورو، فیصل خان ترکئی، قاسم علی شاہ، خلیق الرحمان، آفتاب عالم، پختون یار، نذیر احمد عباسی نے بھی حلف اٹھایا۔
واضح رہے کہ وزیراعلیٰ کے پی کے علی امین گنڈاپور نے گزشتہ روز عمران خان سے اڈیالہ جیل میں ملاقات کی تھی، اور مشاورت کے بعد کابینہ کے نام فائنل کیے تھے۔
