وزیراعلیٰ سندھ مراد علی شاہ کی زیر صدارت رمضان المبارک میں قیمتوں کو کنٹرول کرنے سے متعلق اعلیٰ سطح کا اجلاس ہوا۔ میئر کراچی، چیف سیکریٹری، پرنسپل سیکریٹری، آئی جی پولیس، سیکریٹری فنانس، ایڈیشنل آئی جی پولیس، کمشنر کراچی اور دیگر متعلقہ افسران اجلاس میں شریک ہوئے۔
وزیراعلیٰ سندھ نے 22.5 بلین روپے رمضان پیکج کے تحت سندھ کی 60 فیصد آبادی کو 5 ہزار روپے نقعد رمضان میں دینے کی منظوری دے دی۔
مزید پڑھیں
اجلاس میں بتایا گیا کہ کم سے کم ماہانہ اجرت کا مقصد جن کی ماہانہ آمدن 34ہزار روپے ہیں، ماہانہ 32ہزار روپے کمانے والے خاندان صوبے کی آبادی کا 60 فیصد بنتا ہے، ہر خاندان کو رمضان کے مہینے میں 5000 روپے بینک کے ذریعے دیے جائیں گے، اگر 3.5 ملین خاندان کو 5ہزار روپے دیے جائیں گے تو حکومت پر 22.5 بلین روپے سے زیادہ رقم بنتی ہے۔
اجلاس میں ذخیرہ اندوزوں، منافع خوروں کے خلاف آج سے کریک ڈاؤن کرنے کا فیصلہ بھی کرلیا گیا ہے۔ مراد علی شاہ نے متعلقہ حکام کو ہدایت کی کہ صوبے میں سحرو افطارمیں لوڈشیڈنگ نہیں ہونی چاہیے۔
واضح رہے اس سے قبل وزیر اعلیٰ سندھ مراد علی شاہ نے رمضان المبارک میں لوڈ شیڈنگ کو صفر کرنے کی ہدایت کی۔ مراد علی شاہ نے ہدایت کی کہ رمضان المبارک میں پورے صوبے میں سحر اور افطار کے دوران لوڈشیڈنگ نہ کی جائے۔
