10 مارچ سے قطر میں شروع ہونیوالے لیجنڈز لیگ ٹورنامنٹ کا افتتاحی ایڈیشن 20 مارچ تک جاری رہے گا۔ اس ٹی ٹوئنٹی لیگ میں تین ٹیمیں ایشیا لائنز، انڈیا مہاراجہ اور ورلڈ جائنٹس شامل ہیں۔
قطر میں جاری لیجنڈز لیگ میں کرکٹ کے میدان سے تعلق رکھنے والے کچھ بڑے نام شامل ہیں لیکن پاکستان کے سابق کپتان اور آل راؤنڈر شاہد آفریدی کے چرچے سماجی رابطوں کی ویب سائٹس پر خوب ہورہے ہیں۔
ماضی میں اپنے چھکوں اور تیز رفتار بلے بازی کے لیے مشہور شاہد آفریدی لیجنڈز لیگ کے دوران سماجی رابطوں کی ویب سائٹس پر اپنے مختلف انداز کی وجہ سے تبصروں کا محور و مرکز ہیں۔
شاہد آفریدی کی مختلف ویڈیوز وائرل ہو رہی ہیں جن میں سے بعض وہ خود سماجی رابطوں کی ویب سائٹس پر شیئر کر رہے ہیں تو وہیں ان کی بعض پرانی ویڈیوز صارفین آج بھی سابق پاکستانی کپتان کے بے باک انداز اور حاضر جوابی سے لطف اندوز ہونے کے لیے دوبارہ شیئر کر رہے ہیں۔
لیجنڈز لیگ کے دوران کبھی شاہد آفریدی کی فٹنس کے دھوم تو کبھی سوشل میڈیا پر ان کے اور انڈین کھلاڑی گوتم گھمبیر کی مصافحہ کرتی ہوئی تصویر پر تبصرے۔ یوں سوشل میڈیا صارفین لیجنڈز لیگ کے دوران شاہد آفریدی کے مختلف رنگوں سے خوب لطف اندوز ہورہے ہیں۔
چند دن قبل شاہد آفریدی نے ایک ویڈیو ٹوئٹر پر شئیر کی جس میں دیکھا جا سکتا ہے کہ پاکستان کرکٹ ٹیم کے سابق آل راؤنڈر عبداالرزاق اونٹ پر سوار ہیں اور شاہد آفریدی ان کے اونٹ کی رسی پکڑ کر گھما رہے ہیں اور اس دوران ہنسی مذاق کرتے ہوئے دکھائی دے رہے ہیں۔
یہ ویڈیو شیئر کرتے ہوئے ایک صارف نے لکھا کہ جب زندگی آپ کو اپنے پرانے ساتھیوں کے ساتھ ایک اور موقع دے تو شاہد آفریدی کی طرح اس سے لطف اٹھائیں۔ وہ میرے پسندیدہ اسی لیے ہیں کہ وہ ہمیں ہر لمحہ جینا سکھاتے ہیں۔
When life gives you another chance with your old mates then enjoy it like Shahid Afridi😭😂❤️🔥
Reasons he’s my favorite always teaches us to live every moment🤩🫶#ShahidAfridi #Misbahulhaq #ShoaibAkhtar #AbdulRazzakpic.twitter.com/DBg7yIb19e
— \o/🐐❤️🔥 (@LoyalAfridian10) March 12, 2023
ایک اور صارف نے شاہد آفریدی کی قطر سے ایک ویڈیو شیئر کی جس میں سابق پاکستانی آل راؤنڈر کو ایک باز کے ساتھ خوشگوار موڈ میں دیکھا جا سکتا ہے۔ صارف نے ویڈیو ٹوئیٹ کرتے ہوئے لکھا: شاہد آفریدی قطر میں انجوائے کر رہے ہیں!
Shahid Afridi is enjoying his time in Qatar !! pic.twitter.com/BCIGvyWugm
— TEAM AFRIDI (@TEAM_AFRIDI) March 12, 2023
ایک اور ویڈیو میں میچ کے اختتام پر شاہد آفریدی بھارتی کھلاڑی کو گلے لگاتے ہوئے دیکھے جاسکتے ہیں۔ جس کے بعد وہ امپائر سے بھی معانقہ کے لیے آگے بڑھتے ہیں لیکن جیسے ہی انہیں نظر آتا ہے کہ وہ خاتون امپائر ہیں تو فوراً پیچھے ہٹ جاتے ہیں۔ اسی محتاط رویہ پر مبنی انکی ویڈیو ٹوئٹر پر پوسٹ کرتے ہوئے ایک صارف نے اسے شاہد آفریدی کا ایک دلچسپ لمحہ قرار دیا۔
A funniest moment of Shahid Afridi🤣 pic.twitter.com/Qid7aTsj06
— Talha (@Babl00__) March 10, 2023
ایک اور ویڈیو میں دیکھا جا سکتا ہے کہ شاہد آفریدی شعیب اختر کو ان کے حالیہ شاہین آفریدی مخالف بیان پر آڑے ہاتھوں لیتے ہوئے کہتے ہیں کہ “شاہین کو کہہ رہے تھے کہ تمہاری جگہ میں ہوتا تو کھیل جاتا۔ میں یہ کردیتا۔ اس میں کوئی شک نہیں ہے کہ شعیب اختر نے پاکستان کے لیے بہت کچھ کیا ہے لیکن اس نے اتنے انجکشنز لگوائے ہیں کہ اب چلا ہی نہیں جاتا۔”
یہ ویڈیو ٹوئیٹ کرتے ہوئے ایک صارف نے لکھا: صرف شاہد آفریدی میں اتنی ہمت ہے کہ وہ شعیب اختر کو ان کے سامنے یہ بات کہہ سکیں۔
Shahid Afridi have the courage to tell the same thing to Shoaib Akhtar on his face too😭 pic.twitter.com/4NdDtiUugN
— Ehtisham Siddique (@iMShami_) March 12, 2023
لیجنڈز لیگ کے دوران بھارتی کھلاڑیوں کے ساتھ خوشگوار موڈ میں ملاقات ہو یا پھر گوتم گھمبیر کے ساتھ مصافحہ سے بننے والی میمز کا حصہ بننا، صارفین کا کہنا ہے کہ صرف شاہد آفریدی ہی ہیں جو میدان کے اندر اور باہر شائقینِ کرکٹ کو اپنی کارکردگی سے اپنا گرویدہ بنا لیتے ہیں۔ یہی وجہ ہے کہ آج تک ان کے مداح ان کی تعریف کرتے نہیں تھکتے۔