صدر مملکت آصف علی زرداری نے اپنی چھوٹی صاحبزادی آصفہ بھٹو زرداری کو خاتونِ اول بنانے کا اصولی فیصلہ کر لیا۔ آصفہ بھٹو کو خاتونِ اول کا پروٹوکول دیا جائے گا۔ وہ پہلی خاتون اول ہوں گی جو صدر کی بیٹی ہیں۔ عام طور پر خاتون اول کا درجہ اہلیہ کو جاتا ہے۔
ایوان صدر میں حلف برداری کی تقریب میں آصفہ بھٹو اپنے والد آصف زرداری کے ہمراہ ان کے بازو میں بازو ڈال کر چل رہی تھیں۔ سوشل میڈیا پر نو منتخب صدر آصف زرداری اور آصفہ بھٹو کی تصویر وائرل ہے جس میں آصفہ بھٹو اپنی والدہ بے نظیر بھٹو سے ہو بہو مشابہت رکھتی ہیں۔
صحافی حامد میر نے آصف علی زرداری کی اپنی بیٹی کے ہمراہ تصویر پر تبصرہ کرتے ہوئے لکھا کہ ایک تصویر ہزاروں الفاظ سے بہتر ہے۔
A picture is worth of thousand words pic.twitter.com/eR17XYJEmp
— Hamid Mir حامد میر (@HamidMirPAK) March 10, 2024
ایک صارف نے لکھا کہ کردارکشی، نیب ٹرائل، جیل سے لے کر ایوان صدر تک ایک باکردار بیٹی باپ کا ہاتھ تھامے ڈنکے کی چوٹ پہ کھڑی ہے۔
کردارکشی، نیب ٹرائل ، جیل سے لے کر ایوان صدر تک ایک باکردار بیٹی باپ کا ہاتھ تھامے ڈنکے کی چوٹ پہ کھڑی ہے 💘@AseefaBZ pic.twitter.com/JDZxpkDaRd
— Bhevish Kumar Maheshwari (@iambhevishk) March 10, 2024
علی نامی صارف لکھتے ہیں کہ خاتون اوّل آصفہ بھٹو کو ’بینظیر کا عکس‘ اور ’نائب صدر‘ جیسے خطاب بھی مل گئے۔
خاتون اوّل آصفہ بھٹو کو ’بینظیر کا عکس‘ اور ’نائب صدر‘ جیسے خطاب بھی مل گئے pic.twitter.com/h5Bo2hA0hT
— Ali علی (@aliabdul25) March 11, 2024
شوکت علی زرداری نے آصفہ بھٹو کی آصف علی زرداری کے ساتھ تصویر شیئر کرتے ہوئے لکھا کہ کچھ تصویریں اپنے آپ میں کہانی ہوتی ہیں۔
کچھ تصویریں اپنے آپ میں کہانی ھوتی ہیں،
جیل کورٹ اور ایوان صدر pic.twitter.com/ry4xIbm2Jk— Shoukat Ali ZARDARI (@ShoukatZardari) March 10, 2024
ایک ایکس صارف نے لکھا کہ جیلوں سے صدارتی محل تک ایک بہادر بیٹی اپنے والد کا ہاتھ پکڑے ہوئے ہیں۔
جیلوں سے صدارتی محل تک
ایک بہادر بیٹی اپنے باپ کا ہاتھ پکڑے ہوئے ہے۔
آصفہ بھٹو زرداری@AseefaBZ https://t.co/Dy9Vb9cx7f— 𝐁𝐚𝐫𝐤𝐚𝐭 𝐀𝐥𝐢 𝐋𝐚𝐬𝐡𝐚𝐫𝐢 (@barkatlashari11) March 11, 2024
آصفہ بھٹو زرداری پاکستان کی بڑی سیاسی جماعت پیپلز پارٹی کے سیاسی گھرانے کا حصہ ہیں، وہ پاکستان کی سابق وزیر اعظم بے نظیر بھٹو شہید اور پاکستان کے سابق صدر آصف علی زرداری کی سب سے چھوٹی بیٹی ہیں۔ انہوں نے عام انتخابات میں پیپلزپارٹی کے لیے ملک گیر انتخابی مہم بھی چلائی۔
