چین، ایران اور روس کی افواج کی 5 روزہ بحری مشقیں خلیج عمان میں شروع ہو گئیں۔
چین کی وزارت قومی دفاع نے اعلامیے میں بتایا کہ چین، ایران اور روس کی بحری مشقیں 11سے 15مارچ تک جاری رہیں گی۔
وزارت کے مطابق سیکیورٹی بانڈ 2024 کے نام سے ہونے والی مشقوں کا مقصد سمندری تعاون کو مضبوط بنانا اور علاقائی امن و استحکام کا تحفظ کرنا ہے۔
چین کی بحری فوج چینی پیپلز لبریشن آرمی نیوی نے مشقوں میں حصہ لینے کے لیے 3 بحری جہاز بھیجے ہیں جن میں گائیڈڈ میزائل ڈسٹرائر ارومچی، گائیڈڈ میزائل فریگیٹ لِنی اور جامع سپلائی جہاز ڈونگ پِنگہو شامل ہیں۔
