اسلام آباد راولپنڈی سمیت ملک کے مختلف علاقوں میں زلزلے کے جھٹکے محسوس کیے گئے ہیں۔
زلزلے کے جھٹکے خیبرپختونخوا کے مختلف علاقوں مردان، پشاور، سوات، کوہاٹ، مالاکنڈ، دیر میں بھی محسوس کیے گئے ہیں۔
اس کے علاوہ آزادکشمیر کے دارالحکومت مظفرآباد میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق 8 بجکر 24 پر پر زلزلے کے جھٹکے محسوس کیے گئے، جبکہ اس کی گہرائی 130 کلومیٹر اور مرکز ہندوکش ریجن افغانستان تھا۔
لوگ زلزلے کے جھٹکوں کے باعث گھروں سے باہر نکل آئے اور کلمہ طیبیہ کا ورد کرتے رہے، ابھی تک کسی بھی علاقے سے نقصان کی کوئی اطلاع نہیں ملی۔
