سب سے زیادہ خوش ممالک کی فہرست جاری، پاکستان نے اس سال بھی بھارت کو پچھاڑ دیا

اقوام متحدہ کا ادارہ 2013 سے ہر سال 20مارچ کو دنیا بھر کے لوگوں کی زندگیوں میں خوشی کی اہمیت کو اجاگر کرنے کے لیے خوشی کا دن مناتا ہے۔ اقوام متحدہ کے مطابق کسی ملک کی کامیابی کا اندازہ اس بات سے لگایا جانا چاہیے کہ اس کے لوگ کتنے خوش ہیں۔

اقوام متحدہ کی جانب سے ہر سال ’ورلڈ ہیپی نس رپورٹ‘ یعنی خوش رہنے والے ممالک کی فہرست جاری کی جاتی ہے۔ رواں برس بھی 143 ممالک کی فہرست جاری کی گئی ہے جس میں فن لینڈ مسلسل ساتویں بار دنیا کے سب سے خوش ممالک میں پہلے نمبر پر ہے۔

گیلپ ورلڈ پول کے اعداد و شمار پر مبنی ’ورلڈ ہیپی نیس رپورٹ‘ کے مطابق سرفہرست 10 خوش ترین ممالک مندرجہ ذیل ہیں:

 فن لینڈ
ڈنمارک
آئس لینڈ
سویڈن
اسرائیل
نیدرلینڈز
ناروے
لکسمبرگ
سوئٹزرلینڈ
آسٹریلیا

رپورٹ میں دنیا بھر میں خوشی کی کا تجزیہ کرنے کے لیے 6 اہم عوامل کو بنیاد بنایا گیا، ان میں سماجی مدد، آمدنی، صحت، آزادی، سخاوت اور بدعنوانی کی عدم موجودگی شامل ہیں۔

پاکستان نے بھارت کو پھر مات دے دی

رپورٹ کے مطابق خوشی کے انڈیکس میں پاکستان 108 اور بھارت 126 نمبر پر ہے، جس سے ظاہر ہوتا ہے کہ پاکستانی قوم بھارتی قوم کی نسبت زیادہ خوش باش قوم ہے۔ گزشتہ برس پاکستان اس فہرست میں 103 نمبر پر تھا جبکہ بھارت 136ویں نمبر پر تھا۔

سب سے زیادہ ناخوش اقوام

رپورٹ کے مطابق، سب سے زیادہ ناخوش ممالک میں اس برس بھی افغانستان پہلے اور لبنان دوسرے نمبر ہے۔ دنیا کے 10 ناخوش ترین ممالک مندرجہ ذیل ہیں:

افغانستان
لبنان
لیسوتھو
سیرا لیون
عوامی جمہوریہ کانگو
زمبابوے
بوٹسوانا
ملاوی
ایسواٹینی
زیمبیا