پاکستان کرکٹ ٹیم کے سابق کپتان اور اسٹار آل راؤنڈر شاہد خان آفریدی کی ایک پرانی ویڈیو سوشل میڈیا پر وائرل ہو رہی ہے جس میں وہ سیاست کے حوالے سے بات کرتے ہوئے کہہ رہے ہیں کہ سیاست بالکل مختلف کھیل ہے، حکومت اور اپوزیشن دونوں میں اچھے برے لوگ ہیں، ہر بندہ برا نہیں ہوتا یہ سب کا پاکستان ہے کسی ایک کا نہیں، ان کا مزید کہنا تھا کہ اداروں کو فیصلے کرنے دیں، این آر او وزیراعظم کے بجائے ادارے کے ہاتھ میں ہونا چاہیے۔
این آر او کے حوالے سے بیان دینے پر شاہد آفریدی کو تنقید کا نشانہ بنایا جا رہا ہے صارفین کا کہنا ہے کہ ان کا یہ بیان غیر ذمہ دارانہ ہے۔ سعدیہ نامی صارف لکھتی ہیں کہ شاہد آفریدی اب خود کو شرمندہ کر رہے ہیں، کسی کو این آر او دینے اور سیاسی اور عدالتی معاملات میں مداخلت کا حق کس نے دیا؟ انہوں نے کہا کہ شاہد آفریدی کو اتنا نہیں سوچنا چاہیے۔
Shahid Afridi is embarrassing himself now!!!!!
Who gave right to anyone to give NROs & interfere in political & judicial matters???? His 2gm brain shouldnt think this much!https://t.co/s3hAEP00p7
— Sadia A 🇵🇰 (@Dr_SadiaAz) March 22, 2024
ایک صارف نے لکھا کہ میدان سے باہر بھی شاہد آفریدی کا رویہ اسی طرز کی غیر ذمہ داری کی عکاسی کرتا ہے جیسا کہ ان کے کرکٹ کیریئر میں دیکھا گیا ہے۔
Shahid Afridi's behavior off the field consistently reflects the same level of irresponsibility as seen in his cricket career! https://t.co/2Cii0ZCUFL
— Wajiha (@27thLetterrr) March 22, 2024
ایک صارف نے شاہد آفریدی کے بیان پر تنقید کرتے ہوئے لکھا کہ صفر پر آؤٹ ہونے والے کھلاڑی کو بھی ہماری قوم نے ہیرو بنایا ہوا ہے۔
https://Twitter.com/OfficialShehr/status/1771093233373679786?s=20
متین انصاری لکھتے ہیں کہ شاہد آفریدی کو کرکٹ اور سیاست کی بجائے اپنے کنسٹرکشن کے کاروبار کے بارے میں بات کرنی چاہیے۔
I think #ShahidAfridi should talk on his Construction Business instead of Cricket and Politics https://t.co/xI4uIPh6Oy
— A.M.Ansari 🇵🇰 (@A_MateenAnsari) March 22, 2024
واضح رہے گزشتہ دنوں سابق قومی کرکٹ شاہد آفریدی کی جانب سے پنجاب پولیس کے اینیمل ریسکیو سینٹر کا دورہ کرنے پر بھی تحریک انصاف کے رہنما شہباز گل کی جانب سے شاہد آفریدی کے دورے پر تنقیدی تبصرہ کیا گیا تھا۔ شہباز گل کا کہنا تھا کہ ’ان کو لگتا ہے کہ کسی بھی کھلاڑی کو شلوار قمیض پہنا دو، وہ عمران خان بن جائے گا۔ اس قدر بے وقوفی‘۔ جس کے بعد چند صارفین انہیں سپورٹ کرتے نظرآئے تو وہیں بعض لوگ ایسے بھی تھے جنہوں نے شہباز گل کو تنقید کا نشانہ بناتے ہوئے کہا کہ پی ٹی آئی والے آخر چاہتے کیا ہیں۔
