وزیر خارجہ اسحاق ڈار نے کہا ہے کہ فلسطینیوں کو 6 ماہ سے بھوک اور جنگ کا سامنا ہے لہٰذا غزہ میں فوری اور غیر مشروط جنگ بندی کا وقت آگیا ہے۔
مزید پڑھیں
ایک بیان میں وزیر خارجہ اسحاق ڈار کا کہنا تھا کہ اقوام متحدہ کی سلامتی کونسل نے بھی غزہ میں جنگ بندی کا مطالبہ کیا ہے۔
انہوں نے کہا کہ رمضان میں غزہ کے مسلمانوں کو نہیں بھولنا چاہیے۔
وزیر خارجہ کا کہنا تھا کہ پاکستان امن کے لیے ملکوں کے درمیان شراکت داری کو فروغ دینے کے لیے تیار ہے۔
اسحاق ڈار نے کہا کہ ماسکو اور بشام میں حملے یاد دلاتے ہیں کہ دہشت گردی پوری دنیا کے لیے خطرہ ہے.
انہوں نے اس عزم کا اعادہ کیا کہ پاکستان اس خطرے سے نمٹنے کے لیے علاقائی اور عالمی شراکت داری کو فروغ دیتا رہے گا۔
اسحاق ڈار کا کہنا تھا کہ امن کی جیت تک دہشت گردی کے خلاف ہماری جنگ ختم نہیں ہوگی۔
