معاشرے میں بے حسی اتنی بڑھ چکی ہے کہ لوگ مردوں کی تذلیل کرنے لگے ہیں، جائیداد کے لالچ میں اس قدر اندھے ہو گئے ہیں کہ قبر سے مردے کو نکال کر کاغذات پر انگوٹھے لگوائے جا رہے ہیں، اسی طرح کا انسانیت سوز واقعہ فیصل آباد میں جڑانوالہ روڈ پر ڈھڈی والا کے قریب واقع ایک قبرستان میں پیش آیا جہاں مبینہ طور پر 35 روز قبل انتقال کرنے والے ایک شخص کے نام پر موجود مکان کو اپنے نام کرانے کی کوشش کی گئی۔
بے حسی کی انتہا لوگ جائیداد کی لالچ میں قبروں سے مردوں کی تزلیل کرنے لگے جائیداد کے لالچ میں اس قدر اندھے ہو گئے ہیں کہ قبروں سے مردے کو نکال کر کاغذات پر انگوٹھے لگائے جا رہے ہیں یہ واقعہ فیصل آباد میں جڑانوالہ روڈ ڈھڈی والا کے قریب قبرستان میں پیش آیا جہاں 35 روز قبل مرنے والے… pic.twitter.com/o8kUkpBiAM
— Sajid usmani (@SajidFb) March 28, 2024
قبرستان میں قبر کشائی اور مردے سے انگوٹھے لگوانے کی ویڈیو سوشل میڈیا پر وائرل ہو گئی جس پر لوگوں کی جانب سے شدید رد عمل سامنے آ رہا ہے۔ کسی کا کہنا ہے کہ یہ ویڈیو 3 سال پرانی ہے جبکہ بعض صارفین اس واقعہ پر نوٹس لینے کا مطالبہ کرتے رہے۔
نعمان بٹ لکھتے ہیں کہ ایسے لوگ معاشرے کے ماتھے پر کلنک کا ٹیکا ہیں، انہوں نے وزیراعلیٰ پنجاب مریم نواز سے ملزمان کو قرار واقعی سزا اور قتل کی دوبارہ تحقیقات کرانے کی اپیل کی۔
ایسے لوگ معاشرے کے ماتھے پر کلنک کا نشان ہیں۔ @MaryamNSharif صاحبہ اِسپر فوری ایکشن لے کر مُلزمان کو قرار واقعی سزا سمیت قتل کی بھی دوبارہ تحقیقات کروائیں۔ https://t.co/5QwIem6xBf
— Numan Butt (@NumanButt3) March 28, 2024
ایک صارف نے لکھا کہ لوگ یہ سب کیسے کر لیتے ہیں ان کو مرنا اور حساب دینا یاد نہیں رہتا؟
لوگ یہ کیسے کر لیتے ہیں؟ ان کو مرنا اور حساب دینا یاد نہیں؟ https://t.co/OOwdUS3nsd
— Irum Zia 🇵🇰🇺🇲 (@Irum_7189) March 28, 2024
صحرا نورد لکھتے ہیں کہ ہم لوگ کس قدر گر گئے ہیں کہ جائیداد کے حصول کے لیے قبروں سے مردے کو نکال کر کاغذات پر انگوٹھے کے نشان لگوائے جا رہے ہیں۔
ھم۔لوگ کس قدر گرگئے ھیں.
جائیداد کے لئے قبروں سے مردے کو نکال کر کاغذات پر انگوٹھے لگائے جا رہے ہیں یہ واقعہ فیصل آباد میں جڑانوالہ روڈ ڈھڈی والا کے قریب قبرستان میں پیش آیا جہاں 35 روز قبل مرنے والے شخص کی قبر کھود کر پانچ مرلے کے مکان کو اپنے نام کروانے کی کوشش ہوئی۔ pic.twitter.com/EOWWjsLuBD— صحرانورد (@Aadiiroy2) March 28, 2024
نازش علوی لکھتی ہیں کہ ایسے واقعات دیکھ کر روح کانپ جاتی ہے، کل کو سب نے اسی قبر میں جانا ہے، ساتھ ہی انہوں نے لکھا کہ کبھی کبھی لگتا ہے اچھا ہی ہے ہمارے پاس کوئی پیسہ جائیداد نہیں ہے کیونکہ انسان اپنی پوری زندگی لگا کر پیسے بچاتا ہے، جائیداد بناتا ہے اور مرنے کے بعد پیچھے رہ جانے والے خونی رشتے اور اپنی سگی اولاد ہی یہ سب کچھ کرتی ہے۔
یااللہ ، روح کانپ جاتی ہے۔ کل خود بھی یہی جانا ہے ۔۔۔۔کبھی لگتا ہے اچھا ہی ہے کوئی پیسہ جائیداد نہیں ہے ،انسان زندگی لگاکر بچاتا ہے ، بناتا ہے اور پیچھے اپنے ہی خونی رشتے ، اپنے بچے یہ زلالت کرتے ہیں ۔ https://t.co/UoNtaE3uId
— Nazish Alavi (@naazzish) March 28, 2024
واضح رہے چند دن قبل ٹوبہ ٹیک سنگھ کے نواحی گاؤں میں غیرت کے نام پر قتل کا ایک واقعہ بھی سامنے آیا تھا جس میں مبینہ طور پربھائی نے 22 سالہ بہن کو باپ اور دیگر گھر والوں کی موجودگی میں منہ پر تکیہ رکھ کر قتل کردیا تھا۔