9 مئی 2023 کو ہونے والے جلاؤ گھیراؤ کے بعد روپوش ہونے والے پاکستان تحریک انصاف (پی ٹی آئی) کے روپوش رہنما حماد اظہر منظر عام پر آگئے۔
حماد اظہر اپنی راہداری ضمانت کے لیے پشاور ہائیکورٹ میں پیش ہوئے، ہائیکورٹ نے 51 مقدمات میں ان کی ضمانت منظور کرلی۔
مزید پڑھیں
بعدازاں حماد اظہر نے میڈیا سے گفتگو کرتے ہوئے کہاکہ میں روپوشی کے دوران اپنے ملک میں ہی رہا، مجھ پر 51 مقدمات قائم کیے گئے ہیں جو قانون کا مذاق ہے۔
انہوں نے کہاکہ مجھ اور میرے گھر والوں کے ساتھ جو ہوا اس کا شدید دکھ ہے، عدلیہ، جمہوریت اور انسانیت کسی کو نہیں چھوڑا گیا۔
حماد اظہر نے کہاکہ تحریک انصاف نے عام انتخابات میں دوتہائی اکثریت سے کامیابی حاصل کی ہے مگر ہمارا مینڈیٹ چھین لیا گیا۔
انہوں نے کہاکہ میں آئندہ 2 روز میں پریس کانفرنس کرکے تمام تر تفصیلات سامنے لاؤں گا۔
واضح رہے کہ سانحہ 9 مئی کے بعد پی ٹی آئی کے اہم رہنما روپوش ہوگئے تھے جن میں حماد اظہر بھی شامل تھے، جبکہ مراد سعید ابھی تک سامنے نہیں آئے۔
