ایرانی افواج کے چیف آف سٹاف محمد باقری نے کہا کہ دمشق میں ایرانی قونصل خانے پر حملے کے جواب میں اسرائیل کے خلاف اس کے ڈرون اور میزائل حملے نے اپنے تمام مقاصد کامیابی سے حاصل کر لیے ہیں۔
ایران کے سرکاری ٹی وی کے مطابق ایرانی افواج کے چیف آف سٹاف محمد باقری نے کہا کہ آپریشن آنسٹ آپریشن گزشتہ رات سے آج صبح تک کامیابی کے ساتھ مکمل ہو گیا اور اس نے اپنے تمام مقاصد حاصل کر لیے ہیں۔ ایران نے سوئس سفارت خانے کے ذریعے امریکا کو پیغام دیا ہے کہ اگر وہ خطے میں اپنے اڈوں یا فوجی اثاثوں کے ذریعے صیہونی اقدامات میں حصہ لیتا ہے اور یہ ہمیں ثابت ہو جاتا ہے تو خطے میں اس کے اڈوں، اثاثوں اور اہلکاروں کی کوئی سلامتی نہیں ہوگی۔
مزید پڑھیں
ادھر اقوام متحدہ میں ایران کے مشن نے ایکس پر ایک پوسٹ میں کہا ہے کہ اس معاملے کو ختم سمجھا جائے۔ ایرانی مشن نے متنبہ کیا کہ اگر اسرائیلی حکومت نے ایک اور غلطی کی تو ایران کا ردعمل کہیں زیادہ سخت ہوگا۔
ایرانی پاسداران انقلاب نے امریکا کو ایرانی مفادات کو نقصان پہنچانے والے کسی بھی اقدام کی حمایت یا اس میں حصہ لینے کے خلاف خبردار کیا تھا اور امریکی اور اسرائیلی دھمکیوں کا باہمی اور متناسب جواب دینے کا عزم کیا تھا۔
ایک اسرائیلی عہدیدار نے ’ٹائمز آف اسرائیل‘ اخبار کو بتایا ہے کہ ایرانی حملے پر اسرائیلی ردعمل کے بارے میں ابھی تک کوئی فیصلہ نہیں کیا گیا۔ جنگی کونسل کے اجلاس کے دوران مقامی وقت کے مطابق 3 بجے ممکنہ ردعمل پر تبادلہ خیال کیا جائے گا۔ اسرائیلی سیکیورٹی کابینہ ایرانی حملے کے جواب پر تبادلہ خیال کرے گی۔ اسرائیلی حکومتی ذرائع کے مطابق حملے کے نتائج اور امریکی مؤقف کی روشنی میں ردعمل کا امکان کم ہوگیا ہے۔
ادھر اسرائیلی فوج کے ترجمان ڈینیل ہاگری نے پریس کانفرنس میں کہا تھا کہ ایران نے رات کے وقت اسرائیل پر 300 سے زائد گولے داغے اور ان میں سے 99 فیصد کو پسپا کر دیا گیا تھا۔ ایرانی بیلسٹک میزائلوں کی ایک بہت کم تعداد سرحد میں داخل ہوئی اور اس کی وجہ سے معمولی نقصان ہوا ہے۔