ایران کی جانب سے اسرائیل پر کیے گئے حملے کے بعد اسرائیل نے اپنے سخت ردعمل کا اظہار کرتے ہوئے دھمکی دی ہے کہ جو بھی اسرائیل کو نقصان پہنچائے گا ہم اسے غزہ بنا دیں گے۔
اسرائیل نے اپنے بیان میں کہاکہ ایران کے عوام کے ساتھ ہماری جنگ نہیں، ہم ایران میں اسلامی جمہوری حکومت کے خلاف ہیں۔
مزید پڑھیں
بیان میں دعویٰ کیا گیا ہے کہ ہم نے اتحادیوں کے ساتھ مل کر ایران کی جانب سے کیا گیا حملہ ناکام بنایا ہے۔
اسرائیلی فوج کے ترجمان نے کہاکہ اسرائیل کی جانب سے کیا گیا حملہ انتہائی غیر ذمہ دارانہ تھا۔
انہوں نے اعتراف کیا ہے کہ ایران کے حملے میں ‘نی واتم اڈے’ کو معمولی نقصان پہنچا ہے۔
واضح رہے کہ ایران نے دمشق میں قونصل خانے پر کیے گئے حملے کا اسرائیل کو بھرپور جواب دیا ہے اور 300 کے قریب ڈرون اور میزائل فائر کیے ہیں۔
ادھر اسرائیل اور ایران میں بڑھتی کشیدگی پر دنیا بھر کے ممالک نے اپنی تشویش کا اظہار کیا ہے۔
امریکا نے اسرائیل کو باور کرایا ہے کہ ہم ایران کے خلاف کسی جارحانہ آپریشن کا حصہ نہیں بنیں گے۔ اس لیے کسی بھی کارروائی سے قبل واشنگٹن کو اعتماد میں لیا جائے۔
