سعودی عرب کے وزیر خارجہ فیصل بن فرحان بن عبداللہ کی سربراہی میں اعلیٰ سطح کا وفد پاکستان پہنچ گیا ہے۔
وزیر خارجہ اسحاق ڈار نے نور خان ایئربیس پر سعودی عرب کے وفد کا استقبال کیا ہے۔
سعودی وزیرِ خارجہ شہزادہ فیصل بن فرحان کی قیادت میں سعودی وفد کی پاکستان آمد۔۔۔!!! pic.twitter.com/zlvMNATaFL
— Mughees Ali (@mugheesali81) April 15, 2024
سعودی عرب کے وزیر ماحولیات و زراعت عبدالرحمٰن عبدالمحسن، وزیر صنعت و معدنی وسائل وفد میں شامل ہیں۔
مزید پڑھیں
اس کے علاوہ سعودی عرب کے سرمایہ کاری کے نائب وزیر ابراہیم یوسف المبارک بھی وفد کا حصہ ہیں۔
سعودی وفد کے دیگر ارکان میں رائل کورٹ اور مختلف شعبوں کی شخصیات اور اعلیٰ حکام بھی شامل ہیں۔
سعودی وزیر خارجہ اپنے 2 روزہ دورے کے دوران صدر مملکت آصف علی زرداری، وزیراعظم شہباز شریف، آرمی چیف جنرل سید عاصم منیر سے ملاقاتیں کریں گے۔
سعودی وفد کا دورہ دونوں ممالک کے درمیان دوطرفہ تعلقات کو مزید مضبوط کرےگا، ترجمان دفتر خارجہ
ترجمان دفتر خارجہ نے بتایا ہے کہ سعودی وزیر کو بچوں کی جانب سے پھول پیش کیے گئے، جبکہ آرمی بینڈ کی جانب سے اسٹیٹک گارڈ کا بھی مظاہرہ کیا گیا۔
ترجمان نے کہاکہ پاکستان اور سعودی عرب کے درمیان دیرینہ اور برادرانہ تعلقات ہیں، سعودی عرب کے وفد کا 2 روزہ دورہ دونوں ممالک کے درمیان دوطرفہ تعلقات کو مزید مضبوط کرےگا جبکہ اقتصادی شراکت داری کے لیے بھی مفید ثابت ہوگا۔
یاد رہے کہ وزیراعظم پاکستان شہباز شریف نے چند روز قبل اپنے وفد کے ہمراہ سعودی عرب کا 3 روزہ دورہ کیا تھا۔
اس موقع پر وزیراعظم شہباز شریف نے سعودی ولی عہد شہزاد محمد بن سلمان سے ملاقات کی تھی۔
