پاکستانی موسیقی کے سب سے بڑے پروگرام کوک اسٹوڈیو کو دنیا بھر میں پذیرائی حاصل ہے۔ پاکستانی گلوکاروں کی صلاحیتیں کوک اسٹوڈیوز کے ذریعے دنیا بھر تک پہنچ رہی ہیں۔ کوک اسٹوڈیو کے کئی مشہور گانے ’کنا یاری‘، قوالی ’تاجدار حرم‘، ’آفرین آفرین‘ اور پسوڑی’ نے دنیا بھر کی توجہ حاصل کی تھی۔
کوک اسٹوڈیو نے اب ایک سال کے وقفے کے بعد پندرہویں سیزن کا پہلا گانا ریلیز کردیا ہے۔ سیزن 15 کا آغاز سندھی گانے ’آئی آئی‘ سے کیا گیا ہے جسے نئے گلوکار نعمان علی راجپر نے ماروی اور سائبان کے ساتھ مل کر گایا ہے۔
لیکن اب سوشل میڈیا پر کوک اسٹوڈیو سیزن 15 کے بائیکاٹ کا مطالبہ کیا جا رہا ہے۔ اکتوبر 2023 سے غزہ پر جاری اسرائیلی جارحیت کے خلاف دنیا بھر میں کئی برینڈز کے بائیکاٹ کا اعلان کیا گیا، جن میں میکڈونلڈ، کے ایف سی کے علاوہ کوکا کولا، نیسلے اور دیگر برانڈز بھی شامل ہیں۔ ایسے موقع پر جب دنیا بھر میں اسرائیلی پراڈکٹس کا بائیکاٹ کیا جا رہا ہے صارفین کو کوک اسٹوڈیو سیزن 15 کا آغاز ناگوار گزرا ہے۔ یہی وجہ ہے کہ صارفین کی ایک بڑی تعداد اس کے بائیکاٹ کا مطالبہ کر رہی ہے اور ’بائیکاٹ کوک اسٹوڈیو‘ کی مہم چلائی جا رہی ہے۔
ایک صارف کا کہنا تھا کہ غزہ کے لیے کوک اسٹوڈیو کا بائیکاٹ کریں، یہ سب سے کمزور ایمان ہے اور غزہ میں اپنے لوگوں کی مدد کے لیے پیش کیا جا سکتا ہے۔
Boycott Coke Studio for Gaza.
It is the weakest of faith and the least that can be offered to support our people in Gaza.#BoycottCokeStudio #UnsubscribeCokeStudio pic.twitter.com/oSn554XNxy
— Ahmed (@ThisahmedR) April 14, 2024
ایک ایکس صارف کی جانب سے کہا گیا کہ بھوک اور بمباری کا سامنا کرنے والے غزہ کے مظلوم بچوں کے المیے کے باوجود کوک اسٹوڈیو پاکستان 15 ویں سیزن کا آغاز کر رہا ہے۔ غزہ کے مصائب کے ساتھ یکجہتی کی علامت بن کر کوک اسٹوڈیو کا بائیکاٹ کرنے کے لیے ہمارے ساتھ شامل ہوں۔
Tonight, despite the tragedy of Gaza's oppressed children facing hunger and bombing, Coke Studio Pakistan is launching 15th season. Join us to boycott Coke Studio, symbolizing solidarity with Gaza's suffering. Let's amplify their voices#UnsubscribeCokeStudio #SolidarityWithGaza pic.twitter.com/shRtcJ2o25
— Save Gaza Campaign (@SaveGazaPK) April 14, 2024
سینیٹر مشتاق احمد خان نے اپنے جذبات کا اظہار کرتے ہوئے لکھا کہ فلسطین آزاد ہو گا۔
From the river to the sea
Palestine will be free.@cokestudio https://t.co/u8eCdCAlgq— Senator Mushtaq Ahmad Khan | سینیٹر مشتاق احمد خان (@SenatorMushtaq) April 15, 2024
قیصر احمد راجہ لکھتے ہیں کہ ہم بڑے پیمانے پر کوک اسٹوڈیو کے بائیکاٹ کی کال دیں گے۔
In Shah Allah, we will give a call for a massive boycott. https://t.co/FZFEILchl8
— Qaiser Ahmed Raja (@qaiseraraja) April 15, 2024
ایک ایکس صارف لکھتی ہیں کہ شاید کوکاکولا برانڈ کا بائیکاٹ کرنا چاہیے لیکن کوک اسٹوڈیو پاکستان کا ہے اور یہ ایک میراث ہے، ان کا مزید کہنا تھا کہ کوک اسٹوڈیو سیزن 15 مقامی فنکاروں کے لیے خود کو عالمی سطح پر منوانے کا ایک پلیٹ فارم ہے اس لیے غلط وجوہات کی بنا پر بائیکاٹ نہیں کیا جانا چاہیے۔
No. Coke might be the brand to boycott but Coke Studio is Pakistan's. It is a legacy. A platform for local artists to go global. There is literally no hype of CS15. Just usual listeners catching up. Do not promote it for the wrong reasons. https://t.co/a5ooj67d0m
— Marwah Khan (@TheMarwahKhan) April 14, 2024
واضح رہے کہ کوک اسٹوڈیو 15 میں مجموعی طور پر 11 گانے ریلیز کیے جائیں گے اور امکان ہے کہ پنجابی، پشتو، بلوچی اور سرائیکی میں بھی گانے پیش کیے جائیں گے۔ اس سے قبل کوک اسٹوڈیو سیزن 14 کا آغاز جنوری 2022 میں کیا گیا تھا اور اس کا آخری گانا مارچ کے اختتام پر جاری کیا گیا تھا اور اس میں مجموعی طور پر 13 گانے ریلیز کیے گئے تھے۔
