آزاد کشمیر: مشہور چٹان’ملیاڑی راک‘ گرانے والے پکڑے گئے، اعترافی بیان میں سب کچھ بتادیا

آزاد کشمیر پولیس نے ضلع حویلی میں سیاحتی چٹان ’ملیاڑی راک‘ توڑنے والے 2 ملزمان کو گرفتار کرلیا ہے۔

آئی جی آزاد کمشیر سہیل حبیب تاجک کے مطابق رواں سال 8 اپریل کو آزاد کشمیر کے ضلع حویلی کی تحصیل خورشید آباد کے گاؤں میں واقع مشہور سیاحتی ’ملیاڑی راک‘ کو نامعلوم افراد نے توڑ کر گرا دیا تھا۔

آئی جی آزاد کشمیر کا کہنا ہے کہ ملیاڑی راک کے نام سے مشہور اس چٹان کو ضلع حویلی کے ایک سیاحتی مقام کے طور پر جانا جاتا تھا  اور ہر سال سیاحوں کی ایک بڑی تعداد اس چٹان پر پہنچ کر اپنی تصویر بنا کر شئیر کرتے تھے۔

سہیل حبیب تاجک کے مطابق پولیس نے ملیاڑی راک کو توڑنے والے 2 افراد کو گرفتار کر لیا ہے، ملزمان نے چٹان گرانے کا اعتراف کیا اور بتایا کہ اس سیاحتی مقام پر لوگوں کا آنا جانا لگا رہتا تھا، ان کے محلے کا راستہ آنے جانے والے لوگ استعمال کرتے تھے۔ ان کی خواتین بھی ذمینداری کرتی ہیں اور مال مویشی بھی رکھے ہوئے ہیں۔

۱۷اپریل ۲۰۲۴کی رات کو ضلع حویلی, آزاد کشمیر کےتحصیل خورشید آباد کے گاؤں مشہور سیاحتی ” ملیاڑی راک ” کو نامعلوم اشخاص نے توڑ کر گرا دیا ۔
ملیاڑی راک کے نام سے مشہور اس چٹان کو ضلع حویلی کے ایک سیاحتی مقام کے طور پر جانا جاتا تھا اور آزادکشمیر اور ہر سال سیاحوں کی ایک بڑی تعداد… pic.twitter.com/V0ibeLu6MT

— Tajik Sohail Habib (@DrTajikSohail) April 22, 2024

گرفتار ملزمان نے بتایا کہ گزشتہ سال نا معلوم افراد نے (جو سیاحتی مقام پر آئے ہوئے تھے) ان کی خواتین کی ویڈیو بنا کر فیس بک پر اپلوڈ کی جس سے ان کی عزت نفس مجروح ہوئی ، یہی وجہ ہے کہ انہوں نے یہ چٹان گرائی ہے۔