اداکار ریتک روشن کرائے کے اپارٹمنٹ میں اپنی والدہ کے ساتھ رہتے ہیں۔ان کے پڑوس میں اکشے کمار کا بنگلا ہے۔ ریتک روشن ماہانہ 8 لاکھ 25 ہزار روپے کرائے کی مد میں ادا کرتے ہیں۔
ریتک روشن نے کچھ عرصہ قبل اپنی والدہ کے ہمراہ ایک تصویر شیئر کرتے ہوئے لکھا تھاکہ ’والدہ کے ساتھ ناشتے کی ڈیٹ پر، یہ اچھی صبح ہے، اپنی والدہ کو گلے لگائیں۔‘
تصویر جیسے ہی وائرل ہوئی ایک صارف نے نشاندہی کی کہ ’غور سے دیکھیں ریتک روشن کے گھر سیلن‘۔صارف کی جانب سے تصویر کو اس قدر غور سے دیکھنے پر ریتک روشن بھی کچھ حیران رہ گئے اور جواب دیئے بغیر نہ رہ سکے۔
انہوں نے صارف کو جواب دیتے ہوئے کہا ’اس وقت میں کرائے کے گھر میں رہ رہا ہوں۔ جلد ہی اپنا گھر لینے والا ہوں‘۔ ایک اور جواب میں اداکار نے کہا کہ ’سیلن نہیں ہوگا تو سیلن کو ٹھیک کرنے کا مزا کیسے آئے گا بھائی۔‘
