خیبرپختونخوا کے محکمہ انسداد دہشتگردی نے بشام میں چینی انجینئرز کی بس پر خودکش حملے میں ملوث کالعدم تحریک طالبان پاکستان (ٹی ٹی پی) کے 4 دہشتگردوں کو گرفتار کرلیا۔
مزید پڑھیں
سی ٹی ڈی خیبرپختونخوا کے مطابق، بشام حملے میں ملوث 4 اہم دہشتگردوں کو گرفتار کیا گیا۔ حملے کا مرکزی ملزم عادل شہباز ہے جس کا تعلق جلال آباد افغانستان سے ہے۔
واقعہ میں ملوث دیگر ملزمان میں محمد شفیق قریشی، زاہد قریشی اور نذیرحسین شامل ہیں اور یہ تینوں مانسہرہ کے رہائشی ہیں۔
سی ٹی ڈی خیبرپختونخوا نے کہا کہ عادل شہباز نے کالعدم ٹی ٹی پی سے منسلک ہونے اور حملے میں ملوث ہونے کا اعتراف کرلیا ہے۔
واضح رہے کہ 26 مارچ کو بشام میں چینی انجینئرز کی بس پر خود کش حملے میں 5 چینی انجینئرز اور ان کا ایک پاکستانی ڈرائیور جاں بحق ہوئے تھے۔
