پاکستانی نژاد برطانوی باکسر عامر خان نے کہا ہے کہ اسلام آباد میں قائم باکسنگ اکیڈمی ایک ماہ بعد دوبارہ کھل جائے گی۔
سماجی رابطے کی سائٹ ’ایکس‘ پر اپنے ایک ویڈیو پیغام میں عامر خان نے کہاکہ حکومت پاکستان، پاک فوج، وزیر داخلہ محسن نقوی اور پاکستان اسپورٹس بورڈ نے جم دوبارہ کھولنے کے لیے بہت تعاون کیا ہے۔
Thanks to Pakistan Army, Govt, Mohsin Naqvi for helping me in getting back my gym, FC has left: Amir Khan @amirkingkhan pic.twitter.com/dkSVQUH5Iy
— Murtaza Ali Shah (@MurtazaViews) April 29, 2024
انہوں نے کہاکہ جم کی صفائی ہوگئی ہے اور اب ہمیں ضروری مشینری خریدنی ہے جس کے بعد جم دوبارہ کھل جائے گی اور نوجوان یہاں پر سیکھ سکیں گے۔
یاد رہے کہ عامر خان نے 2016 میں پاکستان اسپورٹس کمپلیکس اسلام آباد میں باکسنگ اکیڈمی کا افتتاح کیا تھا جو 2022 تک فعال رہی تھی۔
عامر خان نے باکسنگ اکیڈمی بند ہونے پر مایوسی کا اظہار کرتے ہوئے کہا تھا کہ میری ایک لاکھ ڈالرز کی رقم ضائع ہوگئی ہے۔