بالی ووڈ اسٹار عامر خان کی بیٹی ایرا خان اور ان کے فٹنس ٹرینر نوپور شیکھارے رواں سال کے شروع میں ادے پور میں شادی کے بندھن میں بندھے تھے۔
حال ہی میں ایرا خان نے اپنے انسٹاگرام اکاؤنٹ پر اپنی شادی کی تقریبات کی ایک ویڈیو شیئر کی ہے، جس میں دیکھا جاسکتا ہے کہ عامر خان کی سابقہ بیویاں، رینا دتہ اور کرن راؤ اپنے خاندان کے افراد اور دوستوں کے ساتھ ڈانس کررہی ہیں۔
مزید پڑھیں
ویڈیو کی ایک خاص بات دل کو چھو لینے والا وہ منظر تھا جس میں عامر خان اور ان کی سابقہ اہلیہ رینا دتہ ہاتھ پکڑے ایک ساتھ رقص کرتے نظر آئے، ان کی اسٹیج پرفارمنس کو حاضرین کی جانب سے خوب داد و تحسین سے نوازا گیا۔
ویڈیو میں عامر خان کی سابق اہلیہ کرن راؤ، ان کے بیٹے آزاد راؤ، بھتیجے عمران خان اور ان کی گرل فرینڈ لیکھا واشنگٹن کو بھی دکھایا گیا ہے۔
View this post on Instagram
عامر خان نے اپنی بیٹی ایرا خان کا حوالہ دیتے ہوئے کہا ‘وہ کافی تیزی سے بڑی ہوئی ہیں، کرن راؤ نے اس کی شادی کی تیاریوں میں اہم کردار ادا کیا، اس جشن میں ایسا لگا جیسے وہ وہ بہت جذباتی ہیں۔’
عامر خان نے اجتماع سے خطاب کرتے ہوئے ایرا اور نوپور کے تعلقات کے بارے میں بتایا کہ وہ کیسے گہرے جڑے ہوئے ہیں، جب بھی ان کی سابقہ اہلیہ کرن راؤ ایرا اور نوپور کو ایک ساتھ دیکھتی ہیں تو ان کے جذبات اس جوڑی کے لیے سلامتی اور خوشی سے متعلق ہوتے ہیں۔
یاد رہے کہ رواں سال 3 جنوری کو ایرا اور نوپور نے ممبئی میں باضابطہ طور پر اپنی شادی رجسٹر کروائی تھی۔ عامر خان نے جنوری مہینے کے آخر میں نیتا مکیش امبانی کلچرل سینٹر (NMACC) میں شادی کے ایک شاندار استقبالیہ تقریب رکھی تھی۔
تقریب میں بالی ووڈ کی کئی مشہور شخصیات اور معزز مہمانوں نے شرکت کی، استقبالیہ میں جیا بچن، انیل کپور، سونالی بیندرے، جوہی چاولہ، دھرمیندر، ہیما مالنی، رتیش دیش مکھ، جینیلیا ڈیسوزا اور بہت سے بالی ووڈ استاروں نے شرکت کی تھی۔
